Падзеі

"Разам і наперад!" Лукашэнка даў наказ кадрам пры назначэнні ў Акадэмію навук

3 сакавіка, Мінск /Кар. БЕЛТА/. Без навукі няма развіцця. Гэты тэзіс Прэзідэнт Беларусі Аляксандр Лукашэнка пацвердзіў пры назначэнні новых намеснікаў старшыні Прэзідыума Нацыянальнай акадэміі навук Беларусі, перадае карэспандэнт БЕЛТА.

"Гаварыць пра навуку не стану, вельмі многае сказана. Без навукі няма развіцця. Што датычыцца нашай навукі, я не скажу, што мы тут загніваем з пункту гледжання навукі. Але тое, што дае нам навука, асабліва для прыкладных напрамкаў, гэта вельмі недастаткова. Вы гэта добра ведаеце, - сказаў кіраўнік дзяржавы. - Тое, што нам трэба ўзварухнуць Акадэмію навук, - гэта факт. Я таксама пра гэта гаварыў. Для гэтага туды і накіраваны чалавек адносна малады, дзейны, які разумее, што ад яго патрабуецца (гаворка пра старшыню Прэзідыума НАН Уладзіміра Караніка. - Заўвага БЕЛТА)".

"Але адзін у полі не воін. Яму была пастаўлена задача знайсці такіх, як вы, - маладых, але вопытных, на якіх можна абаперціся. Разам і наперад!" - даў наказ Аляксандр Лукашэнка.

Як паведамлялася БЕЛТА, Віталь Залескі назначаны першым намеснікам старшыні Прэзідыума Акадэміі навук. Да гэтага часу ён працаваў на пасадзе дырэктара Фізіка-тэхнічнага інстытута НАН Беларусі.

Намеснікам старшыні Прэзідыума назначаны Аляксей Труханаў. Раней ён займаў пасаду акадэміка-сакратара Аддзялення хіміі і навук аб Зямлі НАН Беларусі.

Лукашэнка: важна, каб Брэст быў прыгожым і ў парадку

3 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка пры ўзгадненні назначэнняў кіраўнікоў раёнаў горада Брэста падкрэсліў важнасць утрымання гэтага абласнога цэнтра ў належным парадку, перадае карэспандэнт БЕЛТА.

"Што такое Брэст, мне вам не расказваць. Для мяне ён таксама родным некалі стаў. Вельмі люблю гэты горад. Можа, і менш бываю, чым у нейкіх іншых. Хоць стараюся не крыўдзіць, наведваю Брэст. Буду і ў гэтым годзе. Таму для мяне вельмі важна, каб Брэст быў прыгожым, у парадку. Мы і нямала зрабілі ў свой час для Брэста, і трымаем на кантролі, асабліва я, развіццё гэтага горада", - адзначыў Прэзідэнт.

Як паведамлялася БЕЛТА, Аляксандр Уласавец зменіць пасаду кіраўніка адміністрацыі Ленінскага раёна Брэста на аналагічную пасаду ў Маскоўскім раёне гэтага абласнога цэнтра.

У сваю чаргу адміністрацыю Ленінскага раёна ўзначаліць Мікалай Ефімовіч. Раней ён быў начальнікам галоўнага ўпраўлення арганізацыйна-кадравай работы Брэсцкага аблвыканкама.