Падзеі

Распрацоўку законапраекта аб тэхналогіях ШІ ў Беларусі плануюць пачаць у 2026 годзе

14 жніўня, Мінск /Кар. БЕЛТА/. Распрацоўку законапраекта аб тэхналогіях ШІ ў Беларусі плануюць пачаць у 2026 годзе. Аб гэтым паведаміў генеральны дырэктар Аб'яднанага інстытута праблем інфарматыкі Нацыянальнай акадэміі навук Беларусі Сяргей Круглікаў у праекце БЕЛТА "Краіна гаворыць".

Ёсць даручэнне ўрада распрацаваць закон Беларусі аб штучным інтэлекце. "Гэта рашэнне было выпрацавана ў ходзе работы Савета па стратэгічных праектах пры Прэзідэнце, які ўзначальвае старшыня НАН Беларусі, а таксама Савета па пытаннях прававой і судовай дзейнасці пры Прэзідэнце, які ўзначальвае старшыня Канстытуцыйнага Суда. Прайшло некалькі пасяджэнняў і выпрацавана рашэнне, каб заканадаўчаму акту і тэхнічнаму камітэту быць. Канцэпцыі і стратэгіі развіцця штучнага інтэлекту ў Беларусі быць, каб рухацца  наперад і развіваць нацыянальнае заканадаўства. Наша ўпраўленне інфарматыкі падрыхтавала адпаведны пакет дакументаў і накіравала ў Нацыянальны цэнтр заканадаўчай і прававой інфармацыі, каб распрацоўку праекта закона аб тэхналогіях штучнага інтэлекту ўключылі ў план заканадаўства на 2026 год", - расказаў Сяргей Круглікаў.

У гэтым напрамку праводзіцца сур'ёзная работа. "Былі запыты практычна ва ўсе міністэрствы і ведамствы, якія маюць адносіны да гэтай прадметнай галіны. Міністэрства эканомікі, ДКНТ, Міністэрства адукацыі падтрымалі. Яны прапісваюць, што мэтазгодна вызначыць галіновым рэгулятарам у гэтай прадметнай галіне Нацыянальную акадэмію навук. Цяпер створана рабочая група па распрацоўцы законапраекта. У яе ўваходзяць 42 прадстаўнікі розных міністэрстваў і ведамстваў - гэта тыя людзі, якіх вызначылі як спецыялістаў у гэтым напрамку", - растлумачыў гендырэктар.

Паводле слоў Сяргея Круглікава, фарміруецца гласарый асноўных паняццяў. У гэтым дапамагае ўжо створаны мадэльны закон аб тэхналогіях штучнага інтэлекту для краін СНД, які таксама распрацоўваўся інстытутам. "Тут ёсць асноўныя паняцці азначэнняў, у ім дадзена дакладнае паняцце, што такое штучны інтэлект", - звярнуў увагу ён.

Згодна з мадэльным законам, штучны інтэлект - комплекс тэхналагічных рашэнняў, якія ўключаюць інфармацыйна-камунікацыйную інфраструктуру, праграмнае забеспячэнне (у тым ліку такое, у якім выкарыстоўваюцца метады машыннага навучання), працэсы і сэрвісы апрацоўкі даных і пошуку рашэнняў, якія дазваляюць імітаваць кагнітыўныя функцыі чалавека (уключаючы пошук рашэння без загадзя зададзенага алгарытму) і атрымліваць пры выкананні канкрэтных задач вынікі, якія супастаўныя з вынікамі інтэлектуальнай дзейнасці чалавека або перасягаюць іх.

*Праект створаны за кошт сродкаў мэтавага збору на вытворчасць нацыянальнага кантэнту.

версія для друку

зрабіць стартавай

дабавіць у выбранае