Падзеі
Расіяне назвалі Беларусь найбольш паспяховай краінай СНД і галоўным партнёрам РФ
19 снежня, Масква /Эдуард Півавар - БЕЛТА/. Расіяне назвалі Беларусь найбольш паспяховай краінай СНД і галоўным партнёрам Расіі. Аб гэтым сведчаць вынікі апытання, праведзенага Усерасійскім цэнтрам вывучэння грамадскай думкі (УЦВГД), паведамляе БЕЛТА.
Згодна з даследаваннем, Беларусь сярод краін - членаў СНД карыстаецца найбольшай сімпатыяй і падтрымкай расіян: самай стабільнай і паспяховай лічаць Беларусь 68 працэнтаў апытаных. На другім месцы - Казахстан (51 працэнт). Далей ідуць Арменія (16 працэнтаў), Узбекістан (14 працэнтаў) і Таджыкістан (7 працэнтаў).
66 працэнтаў расіян таксама назвалі Беларусь галоўным партнёрам сваёй краіны на сусветнай арэне. Адносна Казахстана такога ж меркавання прытрымліваюцца 55 працэнтаў рэспандэнтаў. Далей з вялікім адрывам у рэйтынгу ідуць Арменія (16 працэнтаў), Узбекістан (10 працэнтаў), Азербайджан (8 працэнтаў).
Па крытэрыі забеспячэння правоў рускамоўнага насельніцтва Беларусь таксама займае першае месца - так лічаць 69 працэнтаў расіян. Другое месца зноў у Казахстана - 38 працэнтаў. Значна радзей у гэтым пытанні рэспандэнты адзначаюць іншыя краіны СНД: Арменію (13 працэнтаў), Украіну (6 працэнтаў), Кыргызстан, Азербайджан, Малдову, Узбекістан (па 5 працэнтаў), Грузію, Таджыкістан (па 4 працэнты), Туркменістан (2 працэнты).
Прэзідэнт Беларусі Аляксандр Лукашэнка ўзначаліў рэйтынг даверу лідарам дзяржаў - членаў СНД: аб сваім даверы яму заявілі 65 працэнтаў расіян. У Нурсултана Назарбаева - 54 працэнты. Іншым кіраўнікам краін - удзельніц СНД выказваюць давер ад 2 працэнтаў да 11 працэнтаў апытаных: Ільхаму Аліеву - 11 працэнтаў, Сержу Саргсяну - 8 працэнтаў, Шаўкату Мірзіяеву - 6 працэнтаў, Алмазбеку Атамбаеву і Ігару Дадону - па 5 працэнтаў, Гурбангулы Бердымухамедаву і Эмамалі Рахмону - па 4 працэнты, Георгію Маргвелашвілі - 3 працэнты, Пятру Парашэнку - 2 працэнты.
Усерасійскае апытанне УЦВГД праведзены 10-11 снежня.
версія для друку
зрабіць стартавай
дабавіць у выбранае