Падзеі

Расія паслядоўна падтрымлівае ініцыятывы Беларусі па барацьбе з гандлем людзьмі - Захарава

Марыя Захарава. Фота ТАСС

27 ліпеня, Масква /Эдуард Півавар - БЕЛТА/. Расія паслядоўна падтрымлівае ініцыятывы Беларусі па барацьбе з гандлем людзьмі. Аб гэтым заявіла на брыфінгу афіцыйны прадстаўнік МЗС Расіі Марыя Захарава ў сувязі з Сусветным днём барацьбы з гандлем людзьмі, які адзначаецца 30 ліпеня і абвешчаны Генасамблеяй ААН, перадае карэспандэнт БЕЛТА.

"Расія паслядоўна падтрымлівае ініцыятывы беларускіх партнёраў, накіраваныя на кансалідацыю намаганняў у сістэме ААН па барацьбе з гандлем людзьмі. Традыцыйна ўваходзім у лік суаўтараў рэзалюцыі Генасамблеі ААН "Паляпшэнне каардынацыі намаганняў па барацьбе з гандлем людзьмі", якая ўносіцца Беларуссю. Апошняя прынята 18 снежня мінулага года. У цеснай каардынацыі з беларускімі ж калегамі выступаем суаўтарамі адпаведных рэзалюцый у Камісіі ААН па прадухіленні злачыннасці і крымінальным правасуддзі", - сказала Марыя Захарава.

Яна падкрэсліла, што Расія таксама падтрымлівае створаную па ініцыятыве Беларусі Групу сяброў, якія аб'ядналіся ў барацьбе з гандлем людзьмі. "Лічым важным прадаўжэнне сумеснай работы на гэтым напрамку, якая адпавядае нашым інтарэсам у сферы процідзеяння гандлю людзьмі", - канстатавала афіцыйны прадстаўнік МЗС Расіі.

Яна звярнула ўвагу, што сёння як ніколі актуальна неабходнасць барацьбы з гэтай негатыўнай глабальнай з'явай, нарошчванне міжнароднага супрацоўніцтва па прафілактыцы, спыненні такіх злачынстваў. "Мы лічым важным захаванне за ААН вядучай ролі ў аб'яднанні намаганняў міжнародных і нацыянальных структур, задзейнічаных у барацьбе з гандлем людзьмі. Мы ацэньваем гэту жахлівую з'яву як шматграннае, звязанае не толькі з учыненнем у адносінах да чалавека здзелак, але і з яго эксплуатацыяй у розных формах, паднявольным станам, прыніжэннем яго годнасці", - заявіла Марыя Захарава.

версія для друку

зрабіць стартавай

дабавіць у выбранае