VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

18 Лют 2019

Раўкоў абмеркаваў пытанні ваеннага супрацоўніцтва з дзяржміністрам абароны ААЭ

Раўкоў абмеркаваў пытанні ваеннага супрацоўніцтва з дзяржміністрам абароны ААЭ
Фота Мінабароны

18 лютага, Мінск /Кар. БЕЛТА/. Міністр абароны Беларусі Андрэй Раўкоў абмеркаваў пытанні ваеннага супрацоўніцтва на сустрэчы ў Абу-Дабі з дзяржаўным міністрам па пытаннях абароны ААЭ Махамадам Ахмадам Аль-Бавардзі Аль-Фаласі, паведамілі БЕЛТА ў Міністэрстве абароны.

Андрэй Раўкоў 17 лютага на чале беларускай ваеннай дэлегацыі прымаў удзел у мерапрыемствах 14-й міжнароднай абароннай выстаўкі IDEX-2019, якая праходзіць у Абу-Дабі 17-21 лютага. "Адбыліся сустрэчы кіраўніка Мінабароны Беларусі з дзяржаўным міністрам па пытаннях абароны ААЭ Махамадам Ахмадам Аль-Бавардзі Аль-Фаласі і начальнікам Генеральнага штаба Узброеных Сіл ААЭ Хамадам Мухамедам Тані Аль-Румейсі. Бакі абмеркавалі актуальныя пытанні двухбаковага ваеннага і ваенна-тэхнічнага супрацоўніцтва", - праінфармавалі ў Мінабароны.

Акрамя таго, дэлегацыя азнаёмілася з перадавымі тэхналогіямі і найноўшымі ўзорамі ўзбраення і ваеннай тэхнікі. Таксама абмяркоўваліся перспектывы развіцця ваеннага і ваенна-тэхнічнага супрацоўніцтва з асобнымі кіраўнікамі іншых ваенных дэлегацый, кіраўніцтвам замежных абаронных прадпрыемстваў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход