29 сакавіка, Мінск /Аліна Грышкевіч - БЕЛТА/. Пытанні бяспекі будуць у ліку прыярытэтных на чарговым пасяджэнні Савета міністраў замежных спраў Садружнасці Незалежных Дзяржаў, якое запланавана правесці 6 красавіка ў Мінску. Аб гэтым карэспандэнту БЕЛТА паведамілі ў беларускім знешнепалітычным ведамстве.
У цэлым парадак дня мерапрыемства ўключае 12 пытанняў, якія датычацца супрацоўніцтва паміж дзяржавамі-ўдзельніцамі ў палітычнай, эканамічнай, культурнай і адукацыйнай сферах, узаемадзеяння знешнепалітычных ведамстваў. У МЗС таксама адзначылі, што ва ўмовах росту нестабільнасці па ўсім перыметры Садружнасці прыярытэтную ўвагу плануецца ўдзяліць пытанням бяспекі, барацьбы са злачыннасцю і процідзеянню міжнароднаму тэрарызму, а таксама каардынацыі дзейнасці праваахоўных органаў краін СНД.