Падзеі
Прынц Майкл Кенцкі наведае з візітам Беларусь
6 кастрычніка, Мінск /Уладзімір Мацвееў - БЕЛТА/. Член брытанскай каралеўскай сям'і прынц Майкл Кенцкі наведае з рабочым візітам Беларусь 10-13 кастрычніка. Аб гэтым паведаміў сёння журналістам начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.
"Прынц займаецца кансалтынгавай дзейнасцю, бізнесам і дабрачыннасцю ў шэрагу краін свету. У прыватнасці, пад патранажам Яго Вялікасці рэалізуецца шэраг глабальных некамерцыйных ініцыятыў у сферы бяспекі дарожнага руху", - адзначыў прэс-сакратар.
У ходзе візіту плануецца правядзенне сустрэч з беларускімі афіцыйнымі асобамі, наведванне ПВТ, а таксама гістарычных і культурных аб'ектаў. Сярод іх мемарыяльны комплекс "Хатынь", Беларускі дзяржаўны музей гісторыі Вялікай Айчыннай вайны, Нацыянальны мастацкі музей.
"Візіт члена брытанскай каралеўскай сям'і будзе садзейнічаць развіццю гандлёва-эканамічнага супрацоўніцтва, а таксама пашырэнню культурных сувязей паміж Беларуссю і Вялікабрытаніяй", - сказаў Дзмітрый Мірончык.
версія для друку
зрабіць стартавай
дабавіць у выбранае