Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

3 Sep 2015

Прынята краінавая праграма ПРААН для Беларусі на 2016-2020 гады

4 верасня, Мінск /Кар. БЕЛТА/. Выканаўчы савет Праграмы развіцця Арганізацыі Аб'яднаных Нацый, Фонду Арганізацыі Аб'яднаных Нацый у галіне народанасельніцтва і Упраўлення Арганізацыі Аб'яднаных Нацый па абслугоўванні праектаў (ПРААН/ЮНФПА/ЮНОПС) аднагалосна прыняў краінавую праграму ПРААН для Беларусі на 2016-2020 гады. Аб гэтым БЕЛТА паведамілі ў прэс-службе МЗС Беларусі.

Бюджэт праграмы складае $82 млн. У рамках ажыццяўлення праграмы ПРААН прыкладзе намаганні для аказання дапамогі Беларусі ва ўмацаванні эфектыўнага і адказнага дзяржаўнага кіравання на ўсіх узроўнях, дасягнення ўстойлівага эканамічнага росту, пашырэння ўдзелу жанчын у палітычным і эканамічным жыцці краіны, забеспячэння доступу ўсяго насельніцтва да шырокага спектра сацыяльных паслуг і папулярызацыі здаровага ладу жыцця, удзяляючы асаблівую ўвагу маламаёмным і інвалідам, моладзі і пажылым людзям.

Прадстаўнік дэлегацыі Беларусі высока ацаніў паспяховае 20-гадовае партнёрства Беларусі і ПРААН, а таксама намаганні, якія прыклалі рэгіянальнае бюро ПРААН для краін Еўропы і СНД і прадстаўніцтва ПРААН у Беларусі для падрыхтоўкі новага краінавага дакумента для Беларусі. Як было адзначана, Беларусь нацэлена на прадаўжэнне плённага супрацоўніцтва з усімі партнёрамі для выканання мэт праграмы і прыкладзе ўсе неабходныя намаганні для яе паспяховай і эфектыўнай рэалізацыі.

У сваю чаргу дырэктар рэгіянальнага бюро ПРААН для краін Еўропы і СНД Джыхан Султанаглу выказала словы ўдзячнасці ўраду Беларусі за падтрымку і дапамогу ў падрыхтоўцы праграмы, а таксама выказала ўпэўненасць у прадаўжэнні цеснага супрацоўніцтва з Беларуссю.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі