Падзеі

Процідзеянне тэрарызму, міграцыя і пагрозы з Захаду. Вальфовіч аб выніках сустрэчы сакратароў саветаў бяспекі АДКБ

26 мая, Масква /Эдуард Півавар - БЕЛТА/. Дзяржаўны сакратар Савета бяспекі Беларусі Аляксандр Вальфовіч расказаў журналістам аб выніках пасяджэння Камітэта сакратароў саветаў бяспекі АДКБ, якое адбылося 26 мая ў Маскве, перадае карэспандэнт БЕЛТА.

Аляксандр Вальфовіч паведаміў, што разглядаліся перш за ўсё пагрозы, якія ўяўляюць небяспеку для ўсіх краін АДКБ. "Гэта тэрарызм, гандаль наркотыкамі, незаконны абарот зброі, міграцыйныя праблемы. Яны характэрны і для заходняга напрамку Арганізацыі Дагавора аб калектыўнай бяспецы. Зыходзячы з гэтага, сёння ў першую чаргу выпрацавана каардынацыя мер па процідзеянні гэтым выклікам і пагрозам", - сказаў ён.

На пасяджэнні быў прыняты праект рашэння Савета калектыўнай бяспекі АДКБ "Аб Антытэрарыстычнай стратэгіі дзяржаў - членаў Арганізацыі Дагавора аб калектыўнай бяспецы да 2030 года" і рашэнне Камітэта сакратароў саветаў бяспекі АДКБ "Аб Комплексе мер па рэалізацыі Антынаркатычнай стратэгіі дзяржаў - членаў АДКБ на 2026-2030 гады".

"Вядома ж, гэтыя дакументы яшчэ трэба зацвердзіць і разгледзець на Савеце калектыўнай бяспекі, які пройдзе восенню пад кіраўніцтвам лідараў нашых дзяржаў", - удакладніў Аляксандр Вальфовіч.

Ён расказаў, што на пасяджэнні беларускі бок удзяліў у большай ступені ўвагу абстаноўцы, калектыўнай бяспецы, якая складваецца ва Усходне-Еўрапейскім рэгіёне, і тым пагрозам, якія ідуць АДКБ з боку заходніх суседзяў. "У мінулыя гады можна было пагадзіцца, што пагрозы, якія ішлі з боку Афганістана, на паўднёвых рубяжах арганізацыі, сапраўды выклікалі сур'ёзнае апасенне. Вядома, яны маюць месца і выклікаюць апасенне, але тое, што складваецца на заходніх рубяжах, напэўна, па пагрозах пераўзыходзіць, на мой погляд, тую напружаную сітуацыю", - канстатаваў дзяржсакратар.

"Тая агрэсіўная, мілітарыстычная палітыка нашых заходніх суседзяў, накіраваная не на добрасуседскія адносіны, а на нагнятанне абстаноўкі, вядома, выклікае сур'ёзнае апасенне. І гэта пагражае не толькі Рэспубліцы Беларусь і Расійскай Федэрацыі, гэта пагражае ў цэлым усёй арганізацыі. Калі раней мы самастойна вырашалі гэтыя праблемы, то цяпер заклікалі звярнуць увагу ўсіх удзельнікаў арганізацыі на пагрозы, якія ідуць для арганізацыі з заходняга боку", - паведаміў ён.

"Мы заклікалі сёння нашых калег, высокіх прадстаўнікоў дзяржаў, якія адказваюць за пытанні бяспекі, а таксама экспертаў дзяржаў АДКБ прыехаць у Беларусь і паглядзець на свае вочы, што адбываецца на граніцы з Еўрасаюзам, якая абстаноўка складваецца на паўднёвых рубяжах Рэспублікі Беларусь, на беларуска-ўкраінскай граніцы, і ад каго ідуць пагрозы", - дадаў Аляксандр Вальфовіч.

версія для друку

зрабіць стартавай

дабавіць у выбранае