Падзеі

Прэзідэнт Туркменістана павіншаваў Лукашэнку з перамогай і выказаў упэўненасць у развіцці адносін з Беларуссю

Сердар Бердымухамедаў. Фота з архіва

28 студзеня, Мінск /Кар. БЕЛТА/. У адрас Прэзідэнта Беларусі Аляксандра Лукашэнкі з нагоды перамогі на выбарах паступіла віншаванне ад Прэзідэнта Туркменістана Сердара Бердымухамедава. Аб гэтым БЕЛТА паведамілі ў прэс-службе беларускага лідара.

"Туркменістан надае вялікае значэнне далейшаму развіццю двухбаковага супрацоўніцтва, якое традыцыйна грунтуецца на прынцыпах раўнапраўя, узаемнай павагі і даверу. Глыбока перакананы, што пад Вашым мудрым і дальнабачным кіраўніцтвам Рэспубліка Беларусь дасягне яшчэ большых поспехаў, а нашы міждзяржаўныя адносіны выйдуць на якасна новы ўзровень", - гаворыцца ў віншаванні.

Сердар Бердымухамедаў пажадаў Аляксандру Лукашэнку моцнага здароўя, дабрабыту і новых поспехаў у адказнай дзяржаўнай дзейнасці ў імя шчаслівага жыцця і працвітання ўсяго народа Рэспублікі Беларусь.

версія для друку

зрабіць стартавай

дабавіць у выбранае