Падзеі

13 ліпеня, Мінск /Кар. БЕЛТА/. Прэзідэнт Нігерыі Мухамаду Бухары высока ацаніў узровень двухбаковых адносін з Беларуссю. Аб гэтым ён заявіў на сустрэчы з паслом Беларусі ў гэтай краіне Вячаславам Бяскостым у сувязі з заканчэннем яго дыпламатычнай місіі, паведамілі БЕЛТА ў прэс-службе беларускага знешнепалітычнага ведамства.

Мухамаду Бухары высока ацаніў асабісты ўклад дыпламата ў справу пашырэння і ўмацавання беларуска-нігерыйскіх адносін і падкрэсліў, што Беларусь і Нігерыя маюць магчымасці для далейшага паглыблення партнёрскага ўзаемадзеяння.

У час гутаркі пасол Беларусі праінфармаваў кіраўніка нігерыйскай дзяржавы аб актуальным стане двухбаковага супрацоўніцтва ў розных галінах, уключаючы адукацыю і сельскую гаспадарку. Бакі абмеркавалі перспектыўныя напрамкі развіцця дыялогу і супрацоўніцтва паміж дзвюма краінамі, у тым ліку перспектывы абмену візітамі на розных узроўнях.