Падзеі

Прэзідэнт Кыргызстана павіншаваў Лукашэнку з перамогай на выбарах

Аляксандр Лукашэнка і Сааранбай Жээнбекаў. Фота з архіва

10 жніўня, Мінск /Кар. БЕЛТА/. Прэзідэнт Кыргызстана Сааранбай Жээнбекаў павіншаваў Аляксандра Лукашэнку з перамогай на прэзідэнцкіх выбарах, паведамілі БЕЛТА ў прэс-службе кіраўніка беларускай дзяржавы.

"Вынікі галасавання наглядна дэманструюць шырокую падтрымку з боку грамадзян Беларусі выбранага вамі курсу па абароне нацыянальных інтарэсаў і ўмацаванні грамадзянскай згоды, - гаворыцца ў віншаванні. - Упэўнены, што ваш багаты вопыт і прафесіяналізм будуць і ў далейшым садзейнічаць павышэнню дабрабыту народа, забяспечаць высокі ўзровень палітычнага і эканамічнага развіцця краіны".

Прэзідэнт Кыргызстана выказаў упэўненасць, што двухбаковыя адносіны, заснаваныя на даўніх традыцыях дружбы, узаемнай павагі і супрацоўніцтва, будуць і ў далейшым развівацца і ўмацоўвацца на карысць народаў абедзвюх дзяржаў.

Сааранбай Жээнбекаў пажадаў Аляксандру Лукашэнку моцнага здароўя і дабрабыту, а народу Беларусі - міру і працвітання.

версія для друку

зрабіць стартавай

дабавіць у выбранае