Падзеі

Прэзідэнт Алжыра падарыў Лукашэнку клінок і арабскі бурнос

Скрыншоты відэа тэлеканала "Беларусь 1"

7 снежня, Мінск /Кар. БЕЛТА/. Прэзідэнт Алжыра Абдэльмаджыд Тэбун пасля афіцыйных перагавораў з кіраўніком беларускай дзяржавы падарыў Аляксандру Лукашэнку клінок і арабскі бурнос. Кадры з цырымоніі абмену падарункамі паказалі ў эфіры тэлеканала "Беларусь 1", паведамляе БЕЛТА.

Кіраўнік беларускай дзяржавы прывёз у падарунак свайму алжырскаму калегу копію знакамітага слуцкага пояса, шаблю з беларускай сімволікай, вырабы з лёну і чайны куфэрак з духмяным мёдам і варэннем, а яшчэ - ласункі.

"Гэта нашы салодкія ласункі, вам спадабаецца, зефір. Яны не такія салодкія, як вашы, - заявіў беларускі лідар. - Мёд, варэнне прыгатаваны па беларускіх рэцэптах. Вельмі карысна!"

Аляксандр Лукашэнка ж павёз з сабой з Алжыра халодны клінок і бурнос - плашч з вярблюджай воўны, які лічыцца сімвалам высакароднасці і годнасці. У арабскіх краінах бурнос гістарычна насілі мужчыны высокага становішча, а сёння ён выкарыстоўваецца ў асноўным у цырыманіяльных мэтах.

Акрамя таго, Абдэльмаджыд Тэбун перадаў Прэзідэнту Беларусі традыцыйныя міжземнаморскія пачастункі.

версія для друку

зрабіць стартавай

дабавіць у выбранае