У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

15 Сак 2018

Прапановы па ўдасканаленні работы Канстытуцыйнага суда абмяркоўваліся на нарадзе ў Лукашэнкі

15 сакавіка, Мінск /Міхаіл Маціеўскі - БЕЛТА/. Прапановы па ўдасканаленні работы Канстытуцыйнага суда абмяркоўваліся сёння на сустрэчы Прэзідэнта Беларусі Аляксандра Лукашэнкі з суддзямі Канстытуцыйнага суда, перадае карэспандэнт БЕЛТА.

"Надышоў час абмеркаваць некаторыя вынікі функцыянавання Канстытуцыйнага суда, яго перспектывы і ўдасканаленне, вядома ж, работы Канстытуцыйнага суда", - сказаў Аляксандр Лукашэнка.

Кіраўнік дзяржавы звярнуў увагу, што дата нарады выбрана невыпадкова - яна праходзіць у Дзень Канстытуцыі, Прэзідэнт павіншаваў судзейскі корпус і ўсіх прысутных з гэтым вялікім святам. "Для нас гэты дзень асаблівы. Устанавілася пэўная традыцыя і святкавання гэтага дня, і паводзін нашага грамадства ў гэты дзень", - адзначыў ён.

На суддзяў ускладзена асаблівая роля па забеспячэнні вяршэнства Асноўнага Закона рэспублікі і канстытуцыйнага кантролю заканадаўства. "Без справядлівых законаў, дакладных і лагічных правіл нельга развіваць дзяржаву, у якой на першым месцы знаходзяцца дабрабыт, прававая і сацыяльная абароненасць нашых грамадзян", - падкрэсліў беларускі лідар.

Эфектыўнасць дзейнасці судзейскага корпуса ў апошнія гады значна павысілася, заўважыў кіраўнік дзяржавы. "Вы не проста праводзіце аналіз прававых норм, але і ажыццяўляеце папярэдні кантроль законаў да іх унясення на подпіс Прэзідэнта, а таксама, зыходзячы з літары Асноўнага Закона, выпрацоўваеце рэкамендацыі для правапрымяняльнікаў. Гэта вельмі важна для нашай заканадаўчай галіны ўлады", - дадаў ён.

У час нарады абмяркоўваліся задачы, якія сёння актуальныя для суддзяў Канстытуцыйнага суда, з тым каб іх веды былі максімальна задзейнічаны ў інтарэсах дзяржавы. Разглядаліся перспектывы работы суда, а таксама іншыя пытанні, звязаныя з развіццём судовай сферы і ўдасканаленнем заканадаўства.

У адпаведнасці з арт. 116 Канстытуцыі Беларусі Канстытуцыйны суд кантралюе канстытуцыйнасць нарматыўных актаў у дзяржаве.

Канстытуцыйны суд Беларусі актыўна ўдзельнічае ў дзейнасці міжнародных арганізацый у сферы канстытуцыйнага правасуддзя, уключаючы Сусветную канферэнцыю па канстытуцыйным правасуддзі, Канферэнцыю еўрапейскіх канстытуцыйных судоў, Канферэнцыю органаў канстытуцыйнага кантролю краін новай дэмакратыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс