VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

6 Крс 2018

Праект заявы СМЗС СНД аб недапушчэнні размывання прынцыпу неўмяшання ва ўнутраныя справы быў ініцыіраваны Беларуссю і Расіяй

6 красавіка, Мінск /Аліна Грышкевіч - БЕЛТА/. Праект заявы СМЗС СНД аб недапушчэнні размывання прынцыпу неўмяшання ва ўнутраныя справы суверэнных дзяржаў быў ініцыіраваны Беларуссю і Расіяй. Аб гэтым паведаміў сёння журналістам міністр замежных спраў Беларусі Уладзімір Макей па выніках пасяджэння ў Мінску Савета міністраў замежных спраў СНД, перадае карэспандэнт БЕЛТА.

Кіраўнік знешнепалітычнага ведамства падзякаваў калегам за падрыхтоўку гэтага мерапрыемства. На яго думку, пасяджэнне прайшло ў канструктыўнай і адкрытай абстаноўцы. Дасягнуты канкрэтныя дамоўленасці па актуалізацыі Канцэпцыі далейшага развіцця СНД. Бакі не адмовіліся аб ідэі далейшага развіцця супрацоўніцтва ў рамках СНД, а вырашылі ўважліва паглядзець і, зыходзячы з новых выклікаў, адаптаваць канцэпцыю да новых рэалій.

Асаблівую ўвагу Уладзімір Макей звярнуў на падрыхтоўку заявы Савета міністраў замежных спраў аб недапушчэнні размывання прынцыпу неўмяшання ва ўнутраныя справы суверэнных дзяржаў, якая ініцыіравана сумесна беларускім і расійскім бакамі. "Цяпер, знайшоўшы зручную прычыну, некаторыя ігракі актыўна ўмешваюцца ва ўнутраныя справы шэрага дзяржаў. Глядзіце, што адбылося на Блізкім Усходзе - гэта вынік ўмяшання ва ўнутраныя справы дзяржаў", - прывёў прыклад міністр. Сутнасць заявы - непрымальнасць такіх падыходаў, калі хтосьці навязвае нейкія шаблоны другім, дзе зусім іншыя асаблівасці развіцця.

Старшыня Выканаўчага камітэта - выканаўчы сакратар СНД Сяргей Лебедзеў дадаў, што меркаванне ўдзельнікаў пасяджэння па гэтай тэме было аднадушным і кіраўнікі дэлегацый дамовіліся дэталёва прапрацаваць гэты дакумент.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход