Падзеі

Дэлегацыю ўзначаляць намеснік генеральнага дырэктара генеральнага дырэктарата Еўракамісіі па палітыцы суседства і перагаворах аб пашырэнні Катарына Мацернава і віцэ-прэзідэнт Еўрапейскага інвестыцыйнага банка Ласла Баранья. У склад дэлегацыі ўвойдуць таксама прадстаўнікі генеральнага дырэктарата Еўрапейскай камісіі па эканамічных і фінансавых пытаннях, пастаяннага прадстаўніцтва Еўрапейскага інвестыцыйнага банка ў Маскве і прадстаўніцтва ЕС у Беларусі.

Прадугледжаны сустрэчы прадстаўнікоў Еўрасаюза ў Нацбанку, Мінэканомікі, Мінфіне, МПЗ, а таксама ў Адміністрацыі Прэзідэнта. "Плануецца разгледзець стан і перспектывы эканамічнага і фінансавага супрацоўніцтва паміж Беларуссю і ЕС, а таксама магчымасці пашырэння ўзаемадзеяння Беларусі з еўрапейскімі і міжнароднымі фінансавымі інстытутамі", - сказаў Дзмітрый Мірончык.