Падзеі

Плата за ўваходныя вызавы ў роўмінгу на тэрыторыі Саюзнай дзяржавы будзе адменена з 1 красавіка

24 сакавіка, Масква /Эдуард Півавар - БЕЛТА/. Плата за ўваходныя вызавы ў роўмінгу на тэрыторыі Саюзнай дзяржавы будзе адменена з 1 красавіка. Аб гэтым гаворыцца ў інфармацыі прэс-службы ўрада Расіі па выніках праведзенага 23 сакавіка пасяджэння Групы высокага ўзроўню пры Савеце Міністраў Саюзнай дзяржавы, паведамляе БЕЛТА.

"Прадоўжана работа па рэалізацыі плана мерапрыемстваў, накіраванага на фарміраванне камфортных паслуг сувязі з на тэрыторыі Саюзнай дзяржавы, - адзначылі ва ўрадзе РФ. - Удзельнікі пасяджэння разгледзелі ход выканання рэзалюцыі Вышэйшага дзяржаўнага савета Саюзнай дзяржавы ад 30 чэрвеня 2017 года нумар 3 "Аб адмене роўмінгу на тэрыторыі Саюзнай дзяржавы". У ходзе пасяджэння адзначана, што дзякуючы істотнаму зніжэнню тарыфаў у роўмінгу колькасць абанентаў расійскіх аператараў сувязі, якія карыстаюцца паслугамі сотавай сувязі пры знаходжанні ў Рэспубліцы Беларусь, павялічылася на 15 працэнтаў, выкарыстанне паслуг галасавой сувязі павялічылася адносна ўваходнага галасавога трафіка ў 1,5 раза, выходнага галасавога трафіка - у 2 разы, СМС-паведамленняў - у 2 разы, інтэрнэту - у 1,6 раза".

"Бакі даручылі Міністэрству лічбавага развіцця, сувязі і масавых камунікацый Расійскай Федэрацыі і Міністэрству сувязі і інфарматызацыі Рэспублікі Беларусь сумесна з аператарамі сувязі дзвюх краін забяспечыць адмену платы за ўваходныя вызавы ў роўмінгу на тэрыторыі Саюзнай дзяржавы з 1 красавіка 2022 года", - падкрэсліваецца ў паведамленні.

На пасяджэнні разгледжаны ход сумеснай работы, накіраванай на ўмацаванне гандлёва-эканамічнага супрацоўніцтва Беларусі і Расіі. "У рамках узмацнення эканамічнай інтэграцыі бакі прапрацоўваюць шляхі зніжэння бар'ераў для правядзення транзакцый паміж прадпрыемствамі, умацавання ланцужкоў узаемных паставак тавараў і паслуг, пашырэння праграм імпартазамяшчэння, далейшай інтэграцыі інфармацыйных сістэм", - адзначылі ва ўрадзе РФ.

Пасяджэнне Групы высокага ўзроўню прайшло ў рэжыме відэаканферэнцыі пад сустаршынствам пасла Беларусі ў Расіі Уладзіміра Сямашкі і віцэ-прэм'ера Расіі Аляксея Аверчука.

версія для друку

зрабіць стартавай

дабавіць у выбранае