У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

29 Чэр 2015

Перспектывы супрацоўніцтва краін "Усходняга партнёрства" ў сферы аховы навакольнага асяроддзя абмяркоўваюць у Мінску

29 чэрвеня, Мінск /Юлія Огнева - БЕЛТА/. На сесіі па ахове навакольнага асяроддзя плануецца выпрацаваць прапановы па супрацоўніцтве дзяржаў "Усходняга партнёрства" (УП) у названай сферы. Аб гэтым заявіла сёння журналістам першы намеснік міністра прыродных рэсурсаў і аховы навакольнага асяроддзя Ія Малкіна перад пачаткам пятага раўнда нефармальнага дыялогу на ўзроўні міністраў краін УП, перадае карэспандэнт БЕЛТА.

"У першую чаргу хацелася б абмеркаваць пытанні, звязаныя з далейшым супрацоўніцтвам. Для нас важныя планы на наступны перыяд. У гэтым годзе мы падводзім вынікі папярэдняй пяцігодкі. Нам трэба сумесна выпрацаваць прапановы, якія былі б пакладзены ў аснову далейшага доўгатэрміновага супрацоўніцтва", - адзначыла Ія Малкіна. Паводле яе слоў, для Беларусі прынцыпова важнымі з'яўляюцца канкрэтныя мэты, якія будуць з'яўляцца прыярытэтнымі для развіцця далейшых двухбаковых і шматбаковых адносін.

Ія Малкіна паведаміла, што таксама плануецца абмеркаваць пытанні і перспектывы фінансавання праектаў на тэрыторыі розных дзяржаў. "Мы будзем гаварыць і аб перспектывах у пашырэнні супрацоўніцтва, звязанага з кліматычным пагадненнем. У снежні 2015 года плануецца падпісанне новага Парыжскага пагаднення, якое прыйдзе на змену Кіёцкаму пратаколу. Для нас гэта пытанне з'яўляецца важным, і сёння мы хацелі б абмеркаваць перспектывы гэтага дакумента", - канстатавала яна.

Яшчэ адзін напрамак, які плануецца абмеркаваць, звязаны з прыродаахоўнымі мерапрыемствамі і пашырэннем супрацоўніцтва ў сферы біяразнастайнасці. Паводле слоў Іі Малкінай, немалаважным з'яўляецца ўзаемадзеянне па ўкараненні новых тэхналогій і развіццё прынцыпаў зялёнай эканомікі. "Беларусь заявіла аб падтрыманні гэтага напрамку (зялёнай эканомікі. - Заўвага БЕЛТА). У нашых стратэгічных дакументах мы ўжо заявілі, што гэтыя прынцыпы будуць з'яўляцца для нас прыярытэтнымі. Нам было б важна пачуць ад калег і партнёраў, якія з прыярытэтаў былі б цікавыя для іх для таго, каб супрацоўніцтва з'яўлялася плённым", - рэзюмавала першы намеснік міністра.

Сёння ў Мінску пад старшынствам Беларусі праходзіць пяты раўнд нефармальных міністэрскіх дыялогаў краін - удзельніц "Усходняга партнёрства", які ўключае два кампаненты: сустрэчу міністраў па пытаннях аховы навакольнага асяроддзя і сустрэчу міністраў замежных спраў краін - удзельніц УП.

Нефармальныя міністэрскія дыялогі краін - удзельніц "Усходняга партнёрства" на ўзроўні міністраў замежных спраў і кіраўнікоў галіновых міністэрстваў праводзяцца з 2012 года. Асноўная мэта - прадастаўленне платформы для рэгулярнага адкрытага абмену меркаваннямі па актуальных пытаннях дзейнасці УП і міжнародным парадку дня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс