Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

28 Sep 2015

Перспектывы адносін Беларусі і ЕС абмеркавалі ў Нью-Ёрку Макей і Магерыні

28 верасня, Мінск /Кар. БЕЛТА/. Стан і перспектывы адносін Беларусі з Еўрапейскім саюзам былі абмеркаваны на сустрэчы міністра замежных спраў Уладзіміра Макея з вярхоўным прадстаўніком Еўрапейскага саюза па замежных справах і палітыцы бяспекі Федэрыкай Магерыні. Аб гэтым БЕЛТА паведамілі ў прэс-службе беларускага МЗС.

Уладзімір Макей у складзе беларускай дэлегацыі на чале з Прэзідэнтам Аляксандрам Лукашэнкам прымае ўдзел у саміце ААН па ўстойлівым развіцці.

"На палях саміту кіраўнік беларускага знешнепалітычнага ведамства правёў сустрэчы з міністрамі замежных спраў Італіі, Латвіі, Сальвадора, Славакіі, Швецыі, дзе былі абмеркаваны стан і магчымасці развіцця ўзаемадзеяння Беларусі з гэтымі краінамі ў розных сферах", - праінфармавалі ў прэс-службе МЗС.

На сустрэчы з міністрам замежных спраў Сальвадора Уга Роджэрам Марцінэсам Банілья бакі падпісалі пагадненне аб узаемнай адмене віз для ўладальнікаў дыпламатычных і службовых пашпартоў.

Уладзімір Макей таксама прыняў удзел у традыцыйнай сустрэчы міністраў замежных спраў дзяржаў - членаў Арганізацыі Дагавора аб калектыўнай бяспецы ў ходзе Генасамблеі ААН.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі