Падзеі

Перанесены візіт Прэзідэнта Ірана ў Беларусь разлічваюць ажыццявіць у 2025 годзе

30 чэрвеня, Мінск /Кар. БЕЛТА/. Перанесены афіцыйны візіт Прэзідэнта Ірана Масуда Пезешкіяна ў Беларусь разлічваюць ажыццявіць у 2025 годзе. Аб гэтым у эфіры тэлеканала "Беларусь 1" заявіў Надзвычайны і Паўнамоцны Пасол Ісламскай Рэспублікі Іран у Рэспубліцы Беларусь Алірэза Санеі, паведамляе БЕЛТА.

"Пакуль яшчэ тэрміны і даты візіту не вызначаны, але мы разлічваем, што можам яго рэалізаваць у 2025 годзе", - сказаў дыпламат.

Як паведамлялася, Масуд Пезешкіян павінен быў 26 і 27 чэрвеня прысутнічаць у Мінску на мерапрыемствах па лініі Еўразійскага эканамічнага саюза. Планавалася таксама прымеркаваць да гэтай паездкі і афіцыйны візіт Прэзідэнта Ірана. Аднак складаная абстаноўка ў рэгіёне і непасрэдна вакол Ірана прымусіла скарэкціраваць планы.

версія для друку

зрабіць стартавай

дабавіць у выбранае