Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

19 Jan 2017

Перагаворы па ўступленні Беларусі ў СГА пройдуць на наступным тыдні ў Жэневе

19 студзеня, Мінск /Кар. БЕЛТА/. Перагаворы па ўступленні Беларусі ў СГА пройдуць на наступным тыдні ў Жэневе, паведаміў сёння журналістам начальнік галоўнага ўпраўлення знешнеэканамічнай дзейнасці Міністэрства сельскай гаспадаркі і харчавання Аляксей Багданаў, перадае карэспандэнт БЕЛТА.

"Што датычыцца Сусветнай гандлёвай арганізацыі, то ў панядзелак беларуская дэлегацыя ляціць у Жэневу на правядзенне першага поўнамаштабнага раўнда перагавораў са ста краінамі па ўступленні Беларусі ў СГА", - адзначыў Аляксей Багданаў. Перагаворы будуць праходзіць на працягу тыдня.

Начальнік галоўнага ўпраўлення знешнеэканамічнай дзейнасці падкрэсліў, што ўступленне краіны ў СГА - працэс працяглы, ён прадугледжвае вялікую колькасць кансультацый і перагавораў. "Мы ў гэтым напрамку працуем. Ужо ёсць заяўкі з боку краін - членаў СГА па павелічэнні квот бяспошлінных паставак нашай прадукцыі і заяўкі на зніжэнне мытных пошлін. Узнікаюць пытанні да ветэрынарных сертыфікатаў, будзем на іх адказваць", - растлумачыў ён.

Як адзначалася раней у МЗС, намаганні Беларусі па актывізацыі перагаворнага працэсу аб уступленні краіны ў СГА знайшлі падтрымку ў большасці краін - членаў Арганізацыі. Па выніках разгляду прадстаўленых беларускім бокам дакументаў сакратарыят СГА падрыхтаваў і распаўсюдзіў у снежні праект даклада рабочай групы па далучэнні Беларусі да Арганізацыі, які стане асновай для правядзення ў студзені 2017 года поўнамаштабнага раўнда перагавораў.

"Распаўсюджванне праекта даклада сведчыць аб высокай ступені гатоўнасці краіны-кандыдата да заключнай фазы перагавораў у шматбаковым фармаце", - адзначылі ў МЗС.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі