Падзеі

Пасол Ірана: адносіны з Беларуссю дынамічна развіваюцца ва ўсіх сферах

25 чэрвеня, Мінск /Кар. БЕЛТА/. Адносіны паміж Іранам і Беларуссю дынамічна развіваюцца ва ўсіх сферах. Аб гэтым журналістам заявіў Надзвычайны і Паўнамоцны Пасол Ісламскай Рэспублікі Іран у Рэспубліцы Беларусь Алірэза Санеі ў час сустрэчы са старшынёй Палаты прадстаўнікоў Ігарам Сергяенкам, перадае карэспандэнт БЕЛТА.

"Адносіны паміж Іранам і Беларуссю ва ўсіх сферах вельмі дынамічна развіваюцца, у прыватнасці ў палітычнай сферы", - падкрэсліў пасол.

Ён дадаў, што нядаўна паспяхова завяршылася 17-е пасяджэнне сумеснай міжурадавай камісіі па эканамічным супрацоўніцтве паміж Беларуссю і Іранам, у ходзе якога бакам удалося дасягнуць эфектыўных і канструктыўных пагадненняў.

"З улікам падпісання пагаднення аб свабодным гандлі паміж Іранам і Еўразійскім эканамічным саюзам, а таксама ў сувязі са статусам наглядальніка Ірана ў гэтым саюзе, сёння адкрываюцца вельмі добрыя магчымасці і вялікі патэнцыял для ўзаемадзеяння нашых краін у эканамічнай сферы. Акрамя таго, мы з'яўляемся членамі ШАС. Беларусь у ліпені мінулага года таксама паўнацэнна ўступіла ў гэту арганізацыю, таму лічу, што і ў палітычнай, і эканамічнай сферах мы можам скарыстацца вялікім патэнцыялам гэтай арганізацыі", - адзначыў Алірэза Санеі.

версія для друку

зрабіць стартавай

дабавіць у выбранае