Падзеі

Пасол Беларусі ўручыў даверчыя граматы Прэзідэнту Туркменістана

Фота з архiва

8 студзеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Туркменістане Станіслаў Чапурной уручыў даверчыя граматы Прэзідэнту Туркменістана Сердару Бердымухамедаву. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

У ходзе сустрэчы бакі адзначылі прыхільнасць да развіцця ўсяго спектра двухбаковых адносін, а таксама прадаўжэння практыкі ўзаемнай падтрымкі ў рамках работы на міжнародных пляцоўках.

Сердар Бердымухамедаў пажадаў Станіславу Чапурному плённай працы, у сваю чаргу кіраўнік беларускай дыпмісіі запэўніў, што прыкладзе максімальныя намаганні для далейшага развіцця дружалюбных адносін і ўсебаковага пашырэння супрацоўніцтва паміж Беларуссю і Туркменістанам.

У МЗС Туркменістана адбылася сустрэча міністра замежных спраў Туркменістана Рашыда Мерэдава з Надзвычайным і Паўнамоцным Паслом Рэспублікі Беларусь у Туркменістане Станіславам Чапурным.

версія для друку

зрабіць стартавай

дабавіць у выбранае