Падзеі

Пасол Беларусі ўручыў даверчыя граматы прэзідэнту Балівіі

Фота МЗС Беларусі

 28 верасня, Мінск /Кар. БЕЛТА/. Надзвычайны і Паўнамоцны Пасол Беларусі ў Венесуэле і Балівіі па сумяшчальніцтве Андрэй Молчан уручыў даверчыя граматы прэзідэнту Балівіі Луісу Арсэ, паведамілі БЕЛТА ў прэс-службе Міністэрства замежных спраў Беларусі.

Адбыўся грунтоўны абмен думкамі па двухбаковым і шматбаковым парадку дня. Прэзідэнт Балівіі выказаў зацікаўленасць у беларускай сельскагаспадарчай тэхніцы, абмене вопытам у аграрнай вытворчасці, а таксама ўзаемадзеянні ў сферы навукі і тэхналогіі. Субяседнікі сышліся на думцы, што адносіны Беларусі і Балівіі маюць высокі патэнцыял, які неабходна аператыўна рэалізоўваць.

Акрамя таго, першы намеснік міністра замежных спраў Беларусі Сяргей Алейнік прыняў копіі даверчых грамат пасла Беніна ў Беларусі па сумяшчальніцтве Акамбі Андрэ Окунлола-Біау. Абмеркаваны актуальныя пытанні двухбаковага ўзаемадзеяння, уключаючы планы па актывізацыі палітычнага дыялогу і гандлёва-эканамічнага супрацоўніцтва.

версія для друку

зрабіць стартавай

дабавіць у выбранае