Падзеі
Пасол Беларусі ўручыў даверчыя граматы Прэзідэнту Афганістана
9 жніўня, Мінск /Аліна Грышкевіч - БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Таджыкістан і Ісламскай Рэспубліцы Афганістан па сумяшчальніцтве Алег Іваноў уручыў даверчыя граматы Прэзідэнту Афганістана Ашрафу Гані, паведамілі БЕЛТА ў прэс-службе МЗС Беларусі.
Пасля цырымоніі ўручэння даверчых грамат былі абмеркаваны вынікі праведзеных у 2015-2016 гадах сустрэч на вышэйшым і высокім узроўнях. Бакі дамовіліся прадаўжаць міжпарламенцкае супрацоўніцтва, а таксама пацвердзілі важнасць запланаванага на восень 2016 года адкрыцця офіса беларуска-афганскай кампаніі ў Кабуле.
У той жа дзень адбылася сустрэча пасла Беларусі з міністрам замежных спраў Афганістана Салахуддзінам Рабані. Яны разгледзелі актуальныя пытанні двухбаковага парадку дня, умацавання дагаворна-прававой базы двухбаковых адносін у розных сферах, стварэння беларуска-афганскай міжурадавай камісіі па гандлёва-эканамічным супрацоўніцтве.
версія для друку
зрабіць стартавай
дабавіць у выбранае