Падзеі

Пасол Беларусі на сустрэчах у румынскай Трансільваніі абмеркаваў перспектывы міжрэгіянальных сувязей

27 студзеня, Мінск /Кар. БЕЛТА/. Надзвычайны і Паўнамоцны Пасол Беларусі ў Румыніі Андрэй Грынкевіч наведаў размешчаны ў гістарычным рэгіёне Трансільванія павет Сэлаж. Аб гэтым карэспандэнту БЕЛТА паведамілі ў пасольстве нашай краіны ў Румыніі.

"Па запрашэнні кіраўніцтва горада Шымлеу-Сілваніей дыпламат прыняў удзел у афіцыйнай цырымоніі з нагоды гадавіны аб'яднання Румыніі, на якой прысутнічалі члены ўрада гэтай краіны, кіраўніцтва мэрыі. Андрэй Грынкевіч таксама прыняў удзел у мерапрыемствах, прысвечаных Міжнароднаму дню памяці ахвяр халакосту, у тым ліку арганізаваных Музеем памяці ахвяр халакосту Паўночнай Трансільваніі", - паведамілі ў беларускай загранустанове.

Акрамя таго, пасол Беларусі правёў сустрэчы і перагаворы з прэфектам павета Сэлаж Вірджылам Цуркашам, старшынёй павятовага савета Дзіну Янку-Сэлэжану, кіраўніцтвам горада Шымлеу-Сільваніей. Кіраўнік беларускай дыпламатычнай місіі наведаў некаторыя ўстановы культуры і адукацыі, прадпрыемствы па дрэваапрацоўцы, вытворчасці мэблі, тэкстылю, прадуктаў харчавання, а таксама турыстычныя кампаніі.

Дыпламат на сустрэчах прэзентаваў гандлёвы, прамысловы, эканамічны, інвестыцыйны і турыстычны патэнцыял Беларусі, а таксама абмеркаваў увесь спектр двухбаковага ўзаемадзеяння. Размова ішла аб развіцці міжрэгіянальнага супрацоўніцтва, устанаўленні пабрацімскіх сувязей, супрацоўніцтве ў галіне адукацыі, культуры і турызму.

Сэлаж - румынскі павет з развітой індустрыяльна-аграрнай эканомікай. Там сканцэнтраваны прадпрыемствы па вытворчасці аўтатэхнікі і аўтакампанентаў, шын, ёсць прадпрыемствы харчовай прамысловасці, дрэваапрацоўкі і вытворчасці мэблі. На тэрыторыі павета распрацоўваецца шэраг значных радовішчаў карысных выкапняў.

версія для друку

зрабіць стартавай

дабавіць у выбранае