Падзеі

Пасол Беларусі адкрыў у Ханоі Тыдзень культур рускамоўных краін

Фота пасольства Беларусі ў В'етнаме

2 красавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў сумесна з рэктарам Ханойскага ўніверсітэта Нгуенам Ван Чаа і прадстаўнікамі дыпламатычных місій Расіі і Казахстана адкрыў Тыдзень культур рускамоўных краін. Аб гэтым карэспандэнту БЕЛТА паведамілі ў беларускай загранустанове ў В'етнаме. 

У сваім выступленні Уладзімір Баравікоў адзначыў актуальнасць рускай мовы ва ўмацаванні дружалюбных адносін В'етнама з рэспублікамі былога СССР. Знаёмства з самабытнымі культурамі рускамоўных краін, у тым ліку Беларусі, садзейнічае ўзаемнаму духоўнаму ўзбагачэнню.

Кіраўнік дыпламатычнай місіі падкрэсліў ролю адукацыі ў развіцці беларуска-в'етнамскага гуманітарнага супрацоўніцтва, уключаючы пашырэнне міжвузаўскіх кантактаў і распрацоўку сумесных праграм. 

У час мерапрыемства адбылася таксама размова з кіраўніцтвам Ханойскага ўніверсітэта.

Культурнае супрацоўніцтва паміж Беларуссю і В'етнамам ажыццяўляецца ў рамках Дагавора паміж Міністэрствам культуры Рэспублікі Беларусь і Міністэрствам культуры, спорту і турызму Сацыялістычнай Рэспублікі В'етнам аб супрацоўніцтве ў галіне культуры і мастацтва, падпісанага 21 снежня 2007 года ў Мінску. Перыядычна праводзяцца Дні культуры Беларусі ў В'етнаме і Дні культуры В'етнама ў нашай краіне, а таксама іншыя мерапрыемствы ў гэтай сферы. Напрыклад, у 2024 годзе на пляцоўцы Ho Guom Opera прайшоў Беларускі вечар у Ханоі з удзелам артыстаў Нацыянальнага акадэмічнага народнага аркестра Рэспублікі Беларусь імя І.Жыновіча, Беларускага дзяржаўнага заслужанага калектыву танца "Харошкі", салістаў Нацыянальнага акадэмічнага Вялікага тэатра оперы і балета Рэспублікі Беларусь. Выступленні беларускіх артыстаў былі цёпла сустрэты в'етнамскімі гледачамі.

Развіццю беларуска-в'етнамскага супрацоўніцтва, у тым ліку ў галіне культуры і адукацыі, садзейнічае пагадненне паміж урадамі Беларусі і В'етнама аб узаемнай адмене віз для ўладальнікаў нацыянальных пашпартоў, якое ўступіла ў сілу 30 студзеня 2025 года.

версія для друку

зрабіць стартавай

дабавіць у выбранае