Падзеі

Пасол Беларусі і дзяржсакратар МЗС Малдовы абмеркавалі перспектывы супрацоўніцтва дзвюх краін

Фота mfa.gov.by

4 красавіка, Мінск /Кар. БЕЛТА/. Надзвычайны і Паўнамоцны Пасол Беларусі ў Малдове Анатоль Калінін 4 красавіка сустрэўся з дзяржаўным сакратаром Міністэрства замежных спраў Малдовы Сяргеем Міхавым у сувязі з завяршэннем сваёй дыпламатычнай місіі. Аб гэтым БЕЛТА паведамілі ў прэс-службе МЗС Беларусі.

"Бакі абмеркавалі актуальны стан і перспектывы супрацоўніцтва Беларусі і Малдовы, а таксама канстатавалі наяўнасць патэнцыялу для развіцця адносін", - расказалі ў прэс-службе знешнепалітычнага ведамства.

У канцы сакавіка Прэзідэнт Беларусі Аляксандр Лукашэнка назначыў кіраўніка адміністрацыі свабоднай эканамічнай зоны "Мінск" Анатоля Бубена паслом у Малдове.

"Што датычыцца Малдовы, у нас не будзе там праблем з заменай пасла?" - пацікавіўся кіраўнік дзяржавы.

"Агрэман атрыманы. Усё ў парадку", - запэўніў кіраўнік Адміністрацыі Прэзідэнта Дзмітрый Крутой.

Прэзідэнт таксама спытаў аб планах Анатоля Калініна.

"Мы з ім сустракаліся ў час яго водпуску тут у Мінску. Ён папрасіўся на іншую работу. Калі магчыма, у краіне яму нешта знайсці з улікам яго вялікага вопыту работы і віцэ-прэм'ерам, ведання будаўнічага, жыллёва-камунальнага комплексу", - адказаў Дзмітрый Крутой.

"Трэба паглядзець. Не адпачываць. На пенсію мы нікога адпраўляць не збіраемся. А калі працаваць чалавек хоча, дык работы ў нас хапае. Таму трэба прапанаваць нешта", - згадзіўся Аляксандр Лукашэнка.

версія для друку

зрабіць стартавай

дабавіць у выбранае