Падзеі

Пасяджэнне Савета кіраўнікоў урадаў СНД пройдзе сёння ў Мінску

Фота з архiва

29 верасня, Мінск /Кар. БЕЛТА/. Пасяджэнне Савета кіраўнікоў урадаў Садружнасці Незалежных Дзяржаў пройдзе сёння ў Мінску, паведамляе БЕЛТА.

Традыцыйна сустрэча пройдзе ў двух фарматах - вузкім і шырокім.

Як паведамілі ў прэс-службе Выканкама СНД, у праекце парадку дня пасяджэння значацца 15 пытанняў. У прыватнасці, якія датычацца супрацоўніцтва ў навукова-тэхналагічнай сферы, у галіне лясной гаспадаркі і лясной прамысловасці, у сферы лічбавых тэхналогій, сельскай гаспадарцы, будаўніцтве, выкарыстанні атамнай энергіі ў мірных мэтах.

На пасяджэнні было прапанавана зацвердзіць праекты плана мерапрыемстваў па рэалізацыі другога этапу Стратэгіі эканамічнага развіцця Садружнасці Незалежных Дзяржаў да 2030 года, плана мерапрыемстваў па падрыхтоўцы і правядзенні ў 2026 годзе ў СНД Года аховы здароўя.

версія для друку

зрабіць стартавай

дабавіць у выбранае