Падзеі

У Жэневе 26-27 ліпеня адбылося пасяджэнне Генеральнага савета СГА. У статусе наглядальніка ў мерапрыемстве прыняла ўдзел і беларуская дэлегацыя, якую ўзначаліў дырэктар Дэпартамента знешнеэканамічнай дзейнасці МЗС Раман Собалеў. У яе склад таксама ўвайшлі супрацоўнікі МЗС і Пастаяннага прадстаўніцтва Беларусі пры Аддзяленні ААН у Жэневе.

"У час мерапрыемства адбыліся сустрэчы з выконваючым абавязкі дырэктара Дэпартамента па далучэнні новых краін Сакратарыята СГА Майкай Ашыкава і старшынёй рабочай групы па ўступленні Беларусі ў СГА, пастаянным прадстаўніком Турцыі ў Жэневе Кемалам Мадэнаглу. Прадстаўнікі СГА станоўча ацанілі распаўсюджванне ў ліпені 2017 года сярод членаў арганізацыі падрыхтаванага беларускім бокам пакета дакументаў, уключаючы праект даклада рабочай групы, што дасць магчымасць правесці 9-е афіцыйнае пасяджэнне рабочай групы па далучэнні Беларусі восенню 2017 года", - расказалі ў міністэрстве.

Беларуская дэлегацыя таксама правяла кансультацыі з прадстаўнікамі СГА для далейшага развіцця шматбаковых і двухбаковых перагавораў. З прадстаўнікамі ўрада Аргенціны і Сакратарыята СГА былі абмеркаваны арганізацыйныя пытанні, звязаныя з удзелам беларускага боку ў 11-й сесіі Міністэрскай канферэнцыі СГА, якая адбудзецца ў Буэнас-Айрэсе 10-13 снежня бягучага года.