VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

18 Май 2017

Пасяджэнне Парламенцкага камітэта ЦЕІ пройдзе ў Мінску 30 мая

18 мая, Мінск /Кар. БЕЛТА/. Пасяджэнне Парламенцкага камітэта Цэнтральна-Еўрапейскай ініцыятывы (ЦЕІ) пройдзе ў Мінску 30 мая. Падрыхтоўка да яго правядзення, а таксама іншыя мерапрыемствы праграмы старшынства Беларусі ў ЦЕІ абмеркаваны сёння на сустрэчы старшыні Савета Рэспублікі Міхаіла Мясніковіча з пасламі краін ЦЕІ, пасольствы якіх размешчаны ў Мінску, перадае карэспандэнт БЕЛТА.

Удзел у маючым адбыцца пасяджэнні Парламенцкага камітэта ЦЕІ пацвердзілі ўжо 11 краін аб'яднання: Аўстрыя, Італія, Польшча, Малдова, Славенія, Сербія, Славакія, Венгрыя, Румынія, Харватыя, Балгарыя.

Галоўнай тэмай пасяджэння стане "Інтэлектуалізацыя эканомікі ў рэгіёне ЦЕІ: інавацыйная вытворчасць, кіраванне і чалавечы капітал". Удзельнікі мерапрыемства змогуць абмяняцца вопытам па актуальных пытаннях развіцця сусветнай эканомікі.

Усяго ў праграме старшынства Беларусі ў аб'яднанні больш як 20 мерапрыемстваў.Так, 8 чэрвеня ў Мінску пройдзе міністэрская канферэнцыя па тэматыцы ўзаемасувязей і сумяшчальнасці ў рэгіёне ЦЕІ "Наводзячы масты паміж Еўропай і Азіяй" у прывязцы да новага Шаўковага шляху. 22 чэрвеня ў Мінску адбудзецца сустрэча міністраў замежных спраў краін ЦЕІ. У лістападзе сталіца Беларусі прыме пасяджэнне Парламенцкай асамблеі ЦЕІ. Прадугледжаны і іншыя мерапрыемствы і форумы. Сярод іх - міжнародная канферэнцыя "Дакументальная спадчына ў рэгіёне ЦЕІ: захаванне, даследаванне і папулярызацыя", якая пройдзе ў Мінску пры падтрымцы Фонду супрацоўніцтва ЦЕІ і будзе прымеркавана да святкавання 500-годдзя беларускага кнігадрукавання.

"У час старшынства ў Цэнтральна-Еўрапейскай ініцыятыве мы зацікаўлены ў правядзенні ўсіх мерапрыемстваў на самым высокім узроўні", - рэзюмаваў Міхаіл Мясніковіч.

Цэнтральна-Еўрапейская ініцыятыва - рэгіянальнае аб'яднанне, у склад якога ўваходзяць 18 дзяржаў: Албанія, Аўстрыя, Беларусь, Боснія і Герцагавіна, Балгарыя, Венгрыя, Італія, Македонія, Малдова, Польшча, Румынія, Сербія, Славакія, Славенія, Харватыя, Чэхія, Чарнагорыя і Украіна. Беларусь далучылася да аб'яднання ў чэрвені 1996 года. ЦЕІ адыгрывае ролю важнага форуму для развіцця ўзаемадзеяння дзяржаў Цэнтральнай, Усходняй і Паўднёва-Усходняй Еўропы ў сферах трансгранічнага супрацоўніцтва, энергетыкі, транспарту, навукі і тэхналогій, адукацыі, культуры, малога і сярэдняга бізнесу, сельскай гаспадаркі, аховы навакольнага асяроддзя і інш.

У 2017 годзе Беларусь упершыню прыняла старшынства ў ЦЕІ пад дэвізам пашырэння сумяшчальнасці ў Вялікай Еўропе. Дзяржава імкнецца да ўмацавання і пашырэння сувязей і ўзаемадзеяння як паміж краінамі рэгіёна, так і рознымі інтэграцыйнымі пляцоўкамі, уключаючы ЕАЭС, Еўрапейскі саюз, "Усходняе партнёрства". Дасягненню гэтай мэты будзе садзейнічаць дзейнасць парламенцкага вымярэння ЦЕІ, задачай якога выступае ўмацаванне шматбаковага супрацоўніцтва паміж дзяржавамі аб'яднання на парламенцкім узроўні.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход