26 мая, Мінск /Кар. БЕЛТА/. Парламенцкая дэлегацыя Тайланда будзе знаходзіцца ў Беларусі з 29 мая па 2 чэрвеня. Аб гэтым БЕЛТА паведамілі ў прэс-службе Палаты прадстаўнікоў Нацыянальнага сходу.
У праграме знаходжання - сустрэчы з кіраўніцтвам абедзвюх палат беларускага парламента, а таксама Міністэрства эканомікі (пры ўдзеле прадстаўнікоў Нацыянальнага агенцтва інвестыцый і прыватызацыі і Беларускага фонду фінансавай падтрымкі прадпрымальнікаў). З замежнымі гасцямі правядзе перагаворы намеснік прэм'ер-міністра Уладзімір Сямашка.
Плануецца, што дэлегацыя прыме ўдзел у бізнес-форуме, які пройдзе ў Беларускай гандлёва-прамысловай палаце.