Падзеі

Парламенцкая дэлегацыя на чале з Качанавай наведае Санкт-Пецярбург для ўдзелу ў МПА СНД

Фота з архiва

17 красавіка, Мінск /Кар. БЕЛТА/. Парламенцкая дэлегацыя Беларусі на чале са старшынёй Савета Рэспублікі Наталляй Качанавай зробіць візіт у Санкт-Пецярбург для ўдзелу ў мерапрыемствах Міжпарламенцкай асамблеі дзяржаў - удзельніц Садружнасці Незалежных Дзяржаў, якія пройдуць 17 і 18 красавіка. Аб гэтым паведамляе БЕЛТА са спасылкай на прэс-службу верхняй палаты парламента.

У складзе парламенцкай дэлегацыі - старшыня Пастаяннай камісіі па міжнародных справах і нацыянальнай бяспецы Савета Рэспублікі Сяргей Алейнік і намеснік старшыні Пастаяннай камісіі па міжнародных справах і нацыянальнай бяспецы Савета Рэспублікі Валерый Гайдукевіч.

У першы дзень работы беларускія парламентарыі прымуць удзел у міжнароднай канферэнцыі "Заканадаўчае рэгуляванне процідзеяння выкарыстанню штучнага інтэлекту і новых тэхналогій у тэрарыстычных мэтах". Таксама запланавана пасяджэнне Савета МПА СНД.

На наступны дзень, 18 красавіка, дэлегацыя з Беларусі стане ўдзельнікам 58-га пленарнага пасяджэння МПА СНД, урачыстага пасяджэння МПА СНД, прысвечанага 80-годдзю Перамогі ў Вялікай Айчыннай вайне 1941-1945 гадоў.

У ходзе мерапрыемстваў таксама адбудзецца цырымонія гашэння мастацкай паштовай маркі сумеснага выпуску Расійскай Федэрацыі і Рэспублікі Беларусь "Культурна-адукацыйны праект "Поезд Памяці".

версія для друку

зрабіць стартавай

дабавіць у выбранае