У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

26 Кст 2018

Парашэнка прыляцеў у Гомель для ўдзелу ў I Форуме рэгіёнаў Беларусі і Украіны

Парашэнка прыляцеў у Гомель для ўдзелу ў I Форуме рэгіёнаў Беларусі і Украіны

26 кастрычніка, Гомель /Міхаіл Маціеўскі - БЕЛТА/. Прэзідэнт Украіны Пётр Парашэнка прыляцеў у Гомель для ўдзелу ў I Форуме рэгіёнаў Беларусі і Украіны. Борт кіраўніка ўкраінскай дзяржавы прызямліўся ў міжнародным аэрапорце Гомеля, перадае карэспандэнт БЕЛТА.

Ля трапа самалёта Пятра Парашэнку сустракалі віцэ-прэм'ер Беларусі Ігар Ляшэнка, старшыня Гомельскага гарвыканкама Пётр Кірычэнка, а таксама віцэ-прэм'ер-міністр - міністр рэгіянальнага развіцця, будаўніцтва і ЖКГ Украіны Генадзь Зубко.

Пасля прыбыцця ў абласны цэнтр украінскі Прэзідэнт усклаў кветкі да бюста Тараса Шаўчэнкі, які быў адкрыты ў 2004 годзе ў аднайменным скверы на вуліцы Барыкіна. Потым Пётр Парашэнка паразмаўляў з прадстаўнікамі ўкраінскай дыяспары.

Перад удзелам у пленарным пасяджэнні Форуму рэгіёнаў прэзідэнты Беларусі і Украіны правядуць двухбаковую сустрэчу. Як раней паведамлялі ў прэс-службе кіраўніка беларускай дзяржавы, асноўная ўвага на перагаворах будзе ўдзелена развіццю гандлю, эканамічнага і інвестыцыйнага супрацоўніцтва дзвюх краін праз прызму патэнцыялу прамых кантактаў на ўзроўні рэгіёнаў.

Па выніках форуму чакаецца падпісанне шэрага дакументаў і заключэнне дамоўленасцей, накіраваных на пашырэнне супрацоўніцтва па ўсім спектры напрамкаў беларуска-ўкраінскага ўзаемадзеяння.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс