Падзеі

Пабрацімскія сувязі, інвестыцыі. Беларусь і Кітай намецілі перспектывы ўзаемадзеяння

Фота з архiва

5 лютага, Мінск /Кар. БЕЛТА/. Генеральны консул Рэспублікі Беларусь у г.Чунцын (Кітайская Народная Рэспубліка) Дзмітрый Емяльянаў сустрэўся з намеснікам кіраўніка канцылярыі знешніх сувязей Народнага ўрада Чунцына Лі Мінцюанем. Аб гэтым карэспандэнту БЕЛТА паведамілі ў беларускай загранустанове ў горадзе Чунцыне.

Дзмітрый Емяльянаў і Лі Мінцюань дэталёва абмеркавалі вынікі сумеснай работы ў 2025 годзе. Акрамя таго, былі намечаны напрамкі двухбаковага супрацоўніцтва ў бягучым 2026 годзе.

У час сустрэчы быў разгледжаны шырокі спектр тэм узаемадзеяння. У прыватнасці, размова ішла аб арганізацыі двухбаковых візітаў па лініі пабрацімскіх сувязей, нарошчванні гандлёва-эканамічнага, а таксама інвестыцыйнага ўзаемадзеяння.

Бакі абмеркавалі магчымасці супрацоўніцтва ў прамысловай кааперацыі, а таксама ў навукова-тэхнічнай і адукацыйнай сферах.

версія для друку

зрабіць стартавай

дабавіць у выбранае