22 верасня, Мінск /Аліна Грышкевіч - БЕЛТА/. Па ініцыятыве Беларусі 21 верасня ў Жэневе ў час 30-й сесіі Савета ААН па правах чалавека адбылося асобнае тэматычнае мерапрыемства па праваабарончых аспектах барацьбы з гандлем людзьмі ў мэтах атрымання органаў, паведамілі БЕЛТА ў МЗС.
У якасці дакладчыкаў у дыскусіі прынялі ўдзел прадстаўнікі МЗС Беларусі, Упраўлення Вярхоўнага камісара ААН па правах чалавека (УВКПЧ), Упраўлення ААН па барацьбе са злачыннасцю, Сусветнай арганізацыяй аховы здароўя і Арганізацыі па бяспецы і супрацоўніцтве ў Еўропе.
Дыскусія выявіла агульныя падыходы ў распрацаваных рознымі міжнароднымі структурамі дакументах адносна забеспячэння аховы правоў чалавека ў ходзе барацьбы з гандлем людзьмі ў мэтах атрымання органаў. Мерапрыемства выклікала значную цікавасць у дэлегацый дзяржаў - членаў ААН і няўрадавых арганізацый, якія ўнеслі свой уклад у абмеркаванне.
Вынікі дыскусіі будуць улічаны УВКПЧ пры распрацоўцы кіруючых прынцыпаў па пытанні забеспячэння правоў чалавека ў барацьбе з гандлем людзьмі ў мэтах атрымання органаў.