Падзеі

18 снежня, Мінск /Кар. БЕЛТА/. Ордэнам Маці за нараджэнне і выхаванне пяці і больш дзяцей узнагароджаны 12 жыхарак Гомельскай і Гродзенскай абласцей. Адпаведны ўказ нумар 452 Прэзідэнт Беларусі Аляксандр Лукашэнка падпісаў 18 снежня, паведамілі БЕЛТА ў прэс-службе кіраўніка дзяржавы.

У ліку ўзнагароджаных выхавальніца Старасельскага дзіцячага сада Веткаўскага раёна Наталля Баброўнікава, мастацкі кіраўнік Капцэвіцкага сельскага Дома культуры Петрыкаўскага раённага цэнтра культуры і народнай творчасці Алена Жыткавец, кладаўшчыца Граўжышкаўскага вучэбна-педагагічнага комплексу яслі-сад - базавая школа Ашмянскага раёна Ірына Відзевіч, хатняя гаспадыня з вёскі Баранавічы Карэліцкага раёна Валянціна Суднік.