Падзеі

Новым міністрам фінансаў Беларусі назначаны Уладзіслаў Татарыновіч

22 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка назначыў Уладзіслава Татарыновіча міністрам фінансаў Беларусі, перадае карэспандэнт БЕЛТА.

Да гэтага часу Уладзіслаў Татарыновіч працаваў на пасадзе намесніка старшыні Савета Рэспублікі Нацыянальнага сходу Рэспублікі Беларусь.

"Ён "грашовы чалавек". Ён добра ведае фінансавую работу. І я так адчуваю, што ўсё ж у парламенце крыху яму цеснавата. Гэта, можа, нават не яго месца і не яго справа. І падумаў аб тым, што паспрабуем яго на канкрэтнай, але вядомай яму рабоце. Ён жа выхадзец поўнасцю з гэтых грошай - у Міністэрстве фінансаў працаваў", - адзначыў кіраўнік дзяржавы.

"Чалавек умее і ведае тэму. Чаму б не скарыстацца яго гэтымі ведамі? Вельмі спадзяюся, што Уладзіслаў Вікенцьевіч, пакуль ён будзе тут працаваць, падрыхтуе добрых вучняў, якія падрастуць побач з ім. І мы заўсёды зможам, калі гэта будзе неабходна, вылучаючы яго на новую пасаду, яго вучням прапанаваць гэту работу", - даў наказ беларускі лідар.

Аляксандр Лукашэнка адзначыў, што кандыдатуру Уладзіслава Татарыновіча ў тым ліку рэкамендаваў і станоўча ацаніў папярэдні міністр Юрый Селіверстаў, які назначаны паслом Беларусі ў Расіі. "Калі станоўча, значыць, чалавек зможа працаваць міністрам фінансаў, - сказаў кіраўнік дзяржавы. - Наогул, грошы ён любіць, умее лічыць іх - дзяржаўныя грошы. І ўпэўнены, што свята будзе сцерагчы капейку і раскідвацца не будзе гэтымі грашыма".

Уладзіслаў Татарыновіч нарадзіўся ў чэрвені 1971 года ў вёсцы Селішча Мінскага раёна. Скончыў Беларускі дзяржаўны эканамічны ўніверсітэт, Акадэмію кіравання пры Прэзідэнце Рэспублікі Беларусь. Працаваў у Міністэрстве фінансаў Беларусі на розных пасадах. У 2001 годзе назначаны намеснікам начальніка галоўнага ўпраўлення - начальнікам упраўлення падатковай палітыкі галоўнага ўпраўлення падатковай палітыкі і даходаў бюджэту, у 2009 годзе - намеснікам міністра фінансаў.

версія для друку

зрабіць стартавай

дабавіць у выбранае