У Беларусь без візы на 30 дзён
Афіцыйны сайт Рэспублікі Беларусь
Свята Купалле
Улада
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

31 Кст 2017

Новая сістэма кіравання энергетычнай галіной будзе створана ў Беларусі

31 кастрычніка, Мінск /Кар. БЕЛТА/. Новая сістэма кіравання энергетычнай галіной будзе створана ў Беларусі, паведаміў у інтэрв'ю БЕЛТА міністр энергетыкі Уладзімір Патупчык.

"Беларусь узяла на сябе абавязацельствы ў рамках стварэння агульнага электраэнергетычнага рынку ў ЕАЭС сінхранізаваць усе падыходы ў энергетыцы і зрабіць работу, якую нашы партнёры па саюзе правялі значна раней. Размова ідзе аб раздзяленні вытворчасці электраэнергіі на канкурэнтныя і манапольныя віды дзейнасці, стварэнні адпаведных структур аптовага і рознічнага рынку і ў цэлым новай сістэмы кіравання энергетычнай галіной краіны", - адзначыў Уладзімір Патупчык.

Уся гэта работа будзе праводзіцца ў рамках закона "Аб электраэнергетыцы". Праект закона падрыхтаваны, адбылося яго грамадскае абмеркаванне, цяпер ён знаходзіцца на разглядзе ў Савеце Міністраў.

Электраэнергетычная сфера, якая складаецца сёння з вертыкальна-інтэграванай кампаніі ДВА "Белэнерга" і лакальных энергакрыніц, што не ўваходзяць у яе склад, трансфармуецца ў двухузроўневы электраэнергетычны рынак (аптовы і рознічны), на якім будуць працаваць суб'екты электраэнергетыкі - вытворцы электраэнергіі, сістэмна-сеткавы аператар, кіруючая арганізацыя з функцыямі аператара аптовага і рознічнага электраэнергетычных рынкаў, энергазабеспячальныя арганізацыі. Раздзяленне суб'ектаў дае магчымасць стварыць празрыстыя ўмовы для развіцця канкурэнцыі сярод вытворцаў і паслядоўна рухацца ў пытанні ўдасканалення адносін у галіне электраэнергетыкі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс