У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

2 Чэр 2017

Новая партыя мадэрнізаваных танкаў Т-72Б3 пастаўлена на ўзбраенне беларускай арміі

2 чэрвеня, Мінск /Кар. БЕЛТА/. Новая партыя мадэрнізаваных танкаў Т-72Б3 сёння ва ўрачыстай абстаноўцы перададзена асабоваму складу 969-й базы рэзерву танкаў на 174-м палігоне ВПС і войскаў ППА, перадае карэспандэнт БЕЛТА.

У мерапрыемстве прынялі ўдзел міністр абароны генерал-лейтэнант Андрэй Раўкоў, прадстаўнікі Міністэрства абароны і Узброеных Сіл, а таксама расійская дэлегацыя ад Навукова-вытворчай карпарацыі "Уралвагонзавод".

Андрэй Раўкоў адзначыў, што ўмовы і магчымасці карпарацыі "Уралвагонзавод" дазваляюць атрымліваць фактычна новы танк, які мае новыя сілавую ўстаноўку, трансмісію, комплекс узбраення, а таксама беларускія прыцэлы, якія даюць магчымасць у розных умовах абстаноўкі - днём, ноччу, у туман і снег - весці прыцэльную стральбу практычна са 100-працэнтным пападаннем. "Мы рухаемся ў двух напрамках: мадэрнізуем і рамантуем танкі на сваіх заводах і ідзём па шляху ваенна-тэхнічнага супрацоўніцтва з Расіяй. Яны нам праводзяць рамонт і мадэрнізацыю тэхнікі па ўнутрырасійскіх цэнах - гэта адпавядае ўмовам дагавора аб ваенна-тэхнічным супрацоўніцтве, і мы ўсё ж такі з'яўляемся састаўной часткай рэгіянальнай групоўкі войскаў, якія прыкрываюць Саюзную дзяржаву ў заходнім напрамку", - сказаў міністр абароны.

На заканчэнне ўрачыстай цырымоніі ўдзельнікам быў прадэманстраваны элемент танкавага біятлона. Затым паміж Узброенымі Сіламі Беларусі і расійскім прадпрыемствам быў падпісаны кантракт на мадэрнізацыю яшчэ адной партыі танкаў Т-72Б.

Мадэрнізаваныя Т-72Б3 аснашчаны больш магутным рухавіком 1130 к.с., а таксама палепшаным комплексам узбраення. Змяненні закранулі і браню танка. Яна ўзмоцнена бартавымі экранамі корпуса з камплектам здымнай модульнай засцярогі.

Новы комплекс кіруемага ўзбраення гарантуе высокую верагоднасць знішчэння цэлі з месца і пры руху на адлегласці да 5 км, а ўкараненне аўтамата суправаджэння цэлей спрасціла работу наводчыка пры стральбе з ходу і па цэлях, якія рухаюцца. Танк атрымаў новую 125-міліметровую пушку 2А46М-5 павышанай жывучасці ствала, новую радыёстанцыю "Акведук", новае проціпажарнае абсталяванне і новы шматканальны прыцэл наводчыка "Сасна-У" беларускай вытворчасці ААТ "Пеленг".

Акрамя таго, машына аснашчана лічбавым балістычным вылічальнікам з камплектам датчыкаў метэаўмоў, які забяспечвае аўтаматызацыю працэсу падрыхтоўкі выстралу і значна павышае дакладнасць стральбы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс