Падзеі

"Ніякай надзвычайнай сітуацыі няма". Кубракоў аб праверцы гатоўнасці падраздзяленняў унутраных войскаў

8 студзеня, Мінск /БЕЛТА/. Праверка гатоўнасці, якая праводзіцца ў падраздзяленнях унутраных войскаў і некаторых падраздзяленнях органаў унутраных спраў, з'яўляецца запланаваным мерапрыемствам. Аб гэтым журналістам заявіў міністр унутраных спраў Іван Кубракоў па выніках даклада кіраўніку дзяржавы, перадае карэспандэнт БЕЛТА.

Міністр унутраных спраў адзначыў, што раніцай 8 студзеня паставіў задачу аб праверцы гатоўнасці падраздзяленняў унутраных войскаў і некаторых падраздзяленняў органаў унутраных спраў. "Мы праверым гатоўнасць да дзеянняў як тэхнікі, так і асабовага складу", - сказаў Іван Кубракоў. Акрамя таго, адзначыў ён, праводзіцца праверка спецпадраздзяленняў на гатоўнасць да процідзеяння дыверсійна-разведвальным групам.

"Ніякай надзвычайнай сітуацыі няма, гэта запланаванае мерапрыемства. Усе падраздзяленні любога сілавога блока павінны быць у пастаяннай гатоўнасці. Аб гэтым і Прэзідэнт наш гаварыў раней", - падкрэсліў кіраўнік МУС.

Іван Кубракоў адзначыў, што цяпер супрацоўнікі, у тым ліку намеснік міністра ўнутраных спраў - камандуючы ўнутранымі войскамі, правяраюць гатоўнасць падраздзяленняў унутраных войскаў і органаў унутраных спраў. "Асабовы склад павінен быць пастаянна гатовы. Сёння супрацоўнікі органаў унутраных спраў у кругласутачным рэжыме ажыццяўляюць бяспеку нашых грамадзян, у тым ліку ўнутраныя войскі", - канстатаваў ён. Паводле слоў кіраўніка МУС, правяраецца таксама гатоўнасць спецыяльных падраздзяленняў унутраных войскаў, якія былі створаны на працягу двух апошніх гадоў.

"Зразумела, з улікам гэтага правядзём аналіз, разбор і прымем дадатковыя меры", - запэўніў Іван Кубракоў.

версія для друку

зрабіць стартавай

дабавіць у выбранае