VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

15 Снж 2017

Інфармацыя беларускіх спецслужбаў дапамагла прадухіліць спробы тэрактаў у Беларусі і за мяжой

Інфармацыя беларускіх спецслужбаў дапамагла прадухіліць спробы тэрактаў у Беларусі і за мяжой15 снежня, Мінск /Уладзімір Мацвееў - БЕЛТА/. Інфармацыя беларускіх спецслужбаў дапамагла прадухіліць спробы тэрактаў у Беларусі і за мяжой. Аб гэтым Прэзідэнт Беларусі Аляксандр Лукашэнка расказаў сёння на ўрачыстым мерапрыемстве, прысвечаным 100-годдзю органаў дзяржаўнай бяспекі, перадае карэспандэнт БЕЛТА.

"Неабходна адзначыць, што многія сучасныя пагрозы могуць быць пераадолены толькі разам. КДБ Беларусі развівае практычнае ўзаемадзеянне са службамі дзясяткаў краін, перш за ўсё з нашай Расіяй, нашымі постсавецкімі рэспублікамі, іншымі дзяржавамі свету. Высокі ўзровень партнёрства дае магчымасць паспяхова праводзіць сумесныя мерапрыемствы. На падставе інфармацыі нашых работнікаў спынены шэраг спроб учынення тэрактаў у Расіі, некаторых еўрапейскіх дзяржавах, а таксама ў нашай краіне", - заявіў кіраўнік дзяржавы.

Ён адзначыў, што геаграфія і інтэнсіўнасць кантактаў па лініі спецслужбаў пашыраюцца і гэта сведчыць аб прызнанні сусветнай супольнасцю важнай ролі Беларусі ў забеспячэнні рэгіянальнай, а па асобных напрамках і глабальнай бяспекі.

"Сёння перад нашымі спецслужбамі стаяць новыя задачы. Адна з галоўных - барацьба з тэрарызмам. Свет нагадвае разварушаны мурашнік. Цераз граніцы перапраўляюцца натоўпы бежанцаў, а пад іх прыкрыццем - фанатыкі, гатовыя забіваць мірных грамадзян, сеяць хаос. У транзітным патоку на тэрыторыі нашай рэспублікі рэгулярна затрымліваюцца члены міжнародных тэрарыстычных арганізацый", - сказаў Аляксандр Лукашэнка.

"Ідзе таксама незаконны гандаль зброяй, які імкліва распаўзаецца па свеце. На жаль, ад гэтага не застрахаваны і мы. Нам трэба быць максімальна пільнымі і ні ў якім разе не дапусціць, каб гэты арсенал стаў пранікаць праз нашу граніцу", - дадаў Прэзідэнт.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход