Падзеі

На сустрэчы, якая адбылася ў Маскве ў час першай нарады спікераў парламентаў краін Еўразіі, бакі звярнулі ўвагу на рэгулярны характар двухбаковых палітычных і міжпарламенцкіх кантактаў і выказалі меркаванне, што парламенцкая дыпламатыя можа зрабіць многае для ўмацавання сувязей Беларусі і Інданезіі. "Інданезійскія парламентарыі адзначылі эфектыўнасць работы пасольства Беларусі ў Інданезіі і падкрэслілі важнасць адкрыцця дыпламатычнай місіі Інданезіі ў Мінску", - праінфармавалі ў прэс-службе.

Субяседнікі выказаліся за далейшы абмен візітамі парламенцкіх дэлегацый у мэтах пошуку новых напрамкаў узаемадзеяння.

Абмяркоўваліся таксама пытанні сінхранізацыі ратыфікацыі падпісаных пагадненняў, паглыблення гандлёва-эканамічнага супрацоўніцтва пры садзейнічанні гандлёвых палат дзвюх краін, міжрэгіянальнага супрацоўніцтва, узаемадзеяння ў іншых галінах, якія ўяўляюць узаемны інтарэс.

Акрамя таго, Уладзімір Андрэйчанка правёў сустрэчу з намеснікам спікера Палаты прадстаўнікоў Кангрэса Філіпін Джыяргідзі Агабаа. Бакі падкрэслілі важную ролю ва ўмацаванні сувязей парламентаў дзвюх краін, якія канструктыўна ўзаемадзейнічаюць у такіх міжнародных арганізацыях, як МПА АСЕАН і МПС.

Выказана ўзаемнае імкненне да далейшага пашырэння дагаворна-прававой базы (уключаючы базавыя эканамічныя пагадненні), паглыблення ўзаемадзеяння ў гандлёва-эканамічнай, навукова-тэхнічнай і іншых галінах.