Падзеі
Нацыянальныя кансультацыі па глабальным дагаворы аб міграцыі прайшлі ў Мінску
18 мая, Мінск /Кар. БЕЛТА/. У Мінску пад эгідай Міністэрства замежных спраў, Міністэрства ўнутраных спраў і прадстаўніцтва Міжнароднай арганізацыі па міграцыі ў Беларусі прайшлі нацыянальныя кансультацыі, прысвечаныя падрыхтоўцы да перагаворнага працэсу па Глабальным дагаворы аб бяспечнай, упарадкаванай і легальнай міграцыі. Аб гэтым БЕЛТА паведамілі ў прэс-службе МЗС Беларусі.
Прадстаўнікі рэспубліканскіх органаў дзяржаўнага кіравання Беларусі, агенцтваў сістэмы ААН і грамадскіх арганізацый абмеркавалі шырокі спектр пытанняў, якія датычацца ўмацавання патэнцыялу і ўдасканалення нацыянальнай міграцыйнай палітыкі, узаемасувязі міграцыі і развіцця. Асаблівая ўвага ўдзелена развіццю міжнароднага супрацоўніцтва для эфектыўнага кіравання міграцыйнымі працэсамі на нацыянальным, рэгіянальным і глабальным узроўнях, а таксама процідзеянню нелегальнай міграцыі і гандлю людзьмі.
"Беларусь стала адной з першых краін у рэгіёне, якая арганізавала нацыянальныя кансультацыі па гэтым пытанні. Рэкамендацыі, выпрацаваныя ў ходзе гэтага мерапрыемства, лягуць у аснову пазіцыі Беларусі на перагаворах па Глабальным дагаворы аб міграцыі", - адзначылі ў МЗС.
Глабальны дагавор будзе прыняты на міжнароднай канферэнцыі па міграцыі, якая адбудзецца ў штаб-кватэры ААН восенню 2018 года. У ім будуць замацаваны ўзгодненыя дзяржавамі прынцыпы, абавязацельствы і дамоўленасці ў сферы глабальнага рэгулявання міжнароднай міграцыі і ўмацавання каардынацыі ў гэтай сферы.
версія для друку
зрабіць стартавай
дабавіць у выбранае