Падзеі

Нацыянальныя алімпійскія камітэты Беларусі і Бахрэйна абмеркавалі развіццё спартыўнага супрацоўніцтва

Фота НАК Беларусі

8 ліпеня, Мінск /Кар. БЕЛТА/. Дэлегацыя НАК Беларусі з 3 па 7 ліпеня наведала Каралеўства Бахрэйн для абмеркавання пытанняў развіцця спартыўнага супрацоўніцтва і ўзаемадзеяння паміж Рэспублікай Беларусь і Каралеўствам Бахрэйн, рэалізацыі ўзаемавыгадных праектаў, накіраваных на ўмацаванне двухбаковых адносін, паведамілі БЕЛТА ў прэс-службе НАК Беларусі.

У рамках візіту адбыліся сустрэчы з асабістым саветнікам Яго высокасці Шэйха Халеда Бен Хамада Аль Халіфы і прэзідэнтам кампаніі KHK Sports Махамедам Шахідам, генеральным сакратаром НАК Бахрэйна Махамедам Аль-Нусуфам, віцэ-прэзідэнтам асацыяцыі футбола Бахрэйна шэйхам Халедам Бен Салман Аль Халіфой, прэзідэнтам футбольнага клуба Аль Халідзія Махмудам Джанахі, кіраўніком ММА федэрацыі Каралеўства Бахрэйн Махамедам Камберам і іншымі прадстаўнікамі спартыўнай галіны каралеўства.

У час візіту былі абмеркаваны ўзаемавыгадныя праекты ў галіне развіцця і папулярызацыі спорту, а таксама дасягнуты дамоўленасці пачаць супрацоўніцтва па пытаннях абмену вопытам, арганізацыі і правядзення сумесных мерапрыемстваў.

версія для друку

зрабіць стартавай

дабавіць у выбранае