У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

14 Крс 2020

На першым блоку БелАЭС завершаны самы маштабны этап пусканаладачных работ перад фізпускам

На першым блоку БелАЭС завершаны самы маштабны этап пусканаладачных работ перад фізпускам
Фота з архiва

14 красавіка, Мінск /Кар. БЕЛТА/. На першым энергаблоку Беларускай АЭС паспяхова завяршыўся адзін з важнейшых і самы маштабны этап праграмы падрыхтоўкі атамнага аб'екта да ўводу ў эксплуатацыю - гарачая абкатка рэактарнай устаноўкі, паведамілі БЕЛТА ва ўпраўленні камунікацый інжынірынгавага дывізіёна дзяржкарпарацыі "Расатам" (АСЭ).

Гарачая абкатка пачалася 11 снежня 2019 года, за гэты час праведзена 242 розныя выпрабаванні. Іх асноўная мэта - пацвярджэнне перад энергетычным пускам энергаблока адпаведнасці сістэм і абсталявання ядзернага вострава праектным характарыстыкам пры рабоце на намінальных параметрах, а таксама пры разагрэве і расхалоджванні рэактарнай устаноўкі.

У час гарачай абкаткі на рабочых параметрах праверана працаздольнасць усіх чатырох галоўных цыркуляцыйных помпаў, прадзіманне ўласнай парай галоўных параправодаў, праверана працаздольнасць сістэм кіравання і аховы рэактарнай устаноўкі і электрасілкавання ўласных патрэб.

Выкананы выпрабаванні галоўных засцерагальных клапанаў парагенератараў, кампенсатара ціску і многія іншыя аперацыі.

"Мы паспяхова завяршылі этап гарачай абкаткі, выканалі ўвесь неабходны аб'ём выпрабаванняў на намінальных параметрах рэактарнай устаноўкі, а таксама ў перыяд яе разагрэву і расхалоджвання. Выпрабаванні паказалі, што ўсё абсталяванне і тэхналагічныя сістэмы энергаблока, задзейнічаныя ў праграме выпрабаванняў, адпавядаюць праектным характарыстыкам", - адзначыў віцэ-прэзідэнт АТ ІК "АСЭ", дырэктар праекта па будаўніцтве Беларускай АЭС Віталь Палянін.

Паўтор шэрага выпрабаванняў прадугледжаны на этапе энергетычнага пуску блока. Наступны этап будаўніцтва ў адпаведнасці з планам падрыхтоўкі энергаблока да фізпуску - рэвізія асноўнага і дапаможнага абсталявання першага і другога контураў энергаблока, завяршыць які плануецца ў сярэдзіне чэрвеня.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Генеральным падрадчыкам выступае інжынірынгавы дывізіён дзяржкарпарацыі "Расатам". Увод першага энергаблока запланаваны ў 2020 годзе, другога - у 2021-м.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс