У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

9 Крс 2020

МЗС пракаменціравала рашэнне ЕС аб дапамозе Беларусі для барацьбы з наступствамі каранавіруса

МЗС пракаменціравала рашэнне ЕС аб дапамозе Беларусі для барацьбы з наступствамі каранавіруса
Фота з архiва

9 красавіка, Мінск /Кар. БЕЛТА/. Беларусь звярнулася да Еўрасаюза з просьбай аб дадатковых сродках для фінансавання найбольш тэрміновых закупак для медыцынскіх устаноў, а таксама ў мэтах мінімізацыі прагназуемых негатыўных эканамічных наступстваў глабальнага "каранакрызісу". Аб гэтым заявіў начальнік упраўлення інфармацыі і лічбавай дыпламатыі - прэс-сакратар МЗС Анатоль Глаз, каменціруючы па просьбе журналістаў рашэнне ЕС аб выдзяленні Беларусі 60 млн еўра, паведамляе БЕЛТА.

"У нас з Еўрасаюзам ужо на працягу многіх гадоў адпрацавана схема супрацоўніцтва ў сферы тэхнічнай дапамогі, мы сумесна плануем найбольш актуальныя сферы выкарыстання такіх сродкаў. Толькі па лініі аднаго з інструментаў - краінавай праграмы ЕС для Беларусі - мы атрымліваем штогод каля 30 млн еўра. Дарэчы, гэта на парадак менш, чым большасць іншых краін - суседзяў ЕС", - адзначыў ён.

Цяпер Еўрасаюз прыняў рашэнне аб выдзяленні ў сувязі з пандэміяй каранавіруса мэтавай фінансавай дапамогі краінам "Усходняга партнёрства", куды, як вядома, уваходзіць і Беларусь. "Таму лагічна, што ў бягучай сітуацыі мы звярнуліся з просьбай аб дадатковых сродках спецыяльна для фінансавання найбольш тэрміновых закупак для нашых медыцынскіх устаноў, а таксама ў мэтах мінімізацыі прагназуемых негатыўных эканамічных наступстваў глабальнага "каранакрызісу", - падкрэсліў Анатоль Глаз. - Відавочна, што спад дзелавой актыўнасці ва ўсім свеце і ў той жа Еўропе паўплывае на нашы прадпрыемствы. Таму для нас вельмі важна выкарыстоўваць усе магчымасці, каб максімальна падстрахавацца. Гэта работа вядзецца на ўзроўні ўрада, іншых профільных дзяржаўных органаў, прытым па розных напрамках".

Паводле яго слоў, Беларусь абмяркоўвае з ЕС розныя формы і аб'ёмы такога садзейнічання. "Нашы партнёры дэманструюць у гэтым пытанні высокую адкрытасць, што мы вельмі цэнім. Аднак пра падрабязнасці гаварыць пакуль дачасна", - сказаў прэс-сакратар МЗС.

Як паведамлялася, Еўрапейскі саюз мае намер выдзеліць Беларусі сродкі на мэты аховы здароўя і вырашэнне эканамічных пытанняў, звязаных з наступствамі каранавіруснай сітуацыі. "Агульная сума гэтай падтрымкі пакуль не вызначана, але я магу загадзя сказаць, што яна складзе каля 60 млн еўра, - паведаміў высокі прадстаўнік Еўрапейскага саюза па замежных справах і палітыцы бяспекі - віцэ-прэзідэнт Еўрапейскай камісіі Жозэп Барэль. - Беларусь запрасіла дапамогу для сістэмы аховы здароўя, вырашэння макраэканамічных і макрафінансавых наступстваў гэтай сітуацыі. Мы вывучаем пытанне аб тым, як можам адгукнуцца на гэтыя просьбы, у прыватнасці ў плане аказання эканамічнай падтрымкі сістэме аховы здароўя і грамадству".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс