Падзеі

МЗС настойліва рэкамендуе грамадзянам Беларусі, якія знаходзяцца ва Украіне, пакінуць тэрыторыю гэтай краіны

Фота з архiва

24 лютага, Мінск /Кар. БЕЛТА/. У сувязі з развіццём сітуацыі ва Украіне Міністэрства замежных спраў Рэспублікі Беларусь настойліва рэкамендуе беларускім грамадзянам адмяніць планы наведвання гэтай краіны да стабілізацыі абстаноўкі. Аб гэтым карэспандэнту БЕЛТА паведамілі ў прэс-службе МЗС.

"Грамадзянам Беларусі, якія знаходзяцца ва Украіне, настойліва рэкамендуецца пакінуць тэрыторыю краіны", - гаворыцца ў паведамленні знешнепалітычнага ведамства Рэспублікі Беларусь.

Пасольства Беларусі і галоўнае консульскае ўпраўленне МЗС пераведзены на кругласутачны рэжым работы і будуць аказваць садзейнічанне нашым грамадзянам. У гэтых мэтах адкрыты гарачыя лініі: +38 050 406 23 30; +375173794771 і +375173792673, consnot@mfa.gov.by.

Акрамя таго, у МЗС звярнулі ўвагу: "Настойлівая просьба грамадзянам Беларусі, якія знаходзяцца на тэрыторыі Украіны, устанавіць і падтрымліваць кантакт з беларускімі дыпламатамі. Па меры магчымасці будзе аказвацца дапамога ў эвакуацыі, а таксама іншае садзейнічанне па неабходнасці".

версія для друку

зрабіць стартавай

дабавіць у выбранае