Падзеі

МЗС Беларусі выказала пратэст Польшчы ў сувязі з актам шпіянажу

Фота з архiва

5 верасня, Мінск /Кар. БЕЛТА/. У МЗС 5 верасня быў выкліканы часовы павераны ў справах Рэспублікі Польшча ў Рэспубліцы Беларусь Кшыштаф Ажана. Аб гэтым БЕЛТА паведамілі ў прэс-службе МЗС Беларусі.

Польскаму дыпламату быў заяўлены рашучы пратэст і ўручана адпаведная нота ў сувязі з учыненнем грамадзянінам Рэспублікі Польшча Гжэгажам Гавелам на тэрыторыі Рэспублікі Беларусь акта шпіянажу.

Польскаму дыпламату было ўказана на недапушчальнасць такіх дзеянняў Варшавы, якія груба парушаюць прынцыпы добрасуседства і наносяць значны ўрон двухбаковым адносінам.

Польскі бок быў інфармаваны аб намеры Мінска даць прававую ацэнку інцыдэнту.

Беларускі бок запатрабаваў ад польскага боку ўстрымацца ад дзеянняў, якія наносяць урон нацыянальнай бяспецы Рэспублікі Беларусь, і вярнуцца ў рэчышча цывілізаванага дыялогу і агульнапрынятых форм міждзяржаўнай камунікацыі.

версія для друку

зрабіць стартавай

дабавіць у выбранае