У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

24 Врс 2015

МЗС Беларусі разлічвае на адмену ў бліжэйшы час санкцый з боку ЕС

24 верасня, Мінск /Таццяна Паляжай - БЕЛТА/. Беларусь разлічвае на адмену ў бліжэйшы час санкцый з боку Еўрасаюза. Аб гэтым заявіў сёння журналістам начальнік упраўлення інфармацыі - прэс-сакратар Міністэрства замежных спраў Дзмітрый Мірончык, перадае карэспандэнт БЕЛТА.

"Спадзяёмся, што кіраўніцтва еўраструктур і краін - членаў ЕС нарэшце ўсвядоміць бесперспектыўнасць і бескарыснасць санкцый і абмежаванняў адносна нашай краіны, і ўжо ў бліжэйшы час будуць прыняты адпаведныя рашэнні аб іх адмене, што адкрые дарогу для нармалізацыі нашых адносін з Еўрасаюзам", - сказаў Дзмітрый Мірончык.

Прэс-сакратар МЗС падкрэсліў, што санкцыі як інструмент знешняй палітыкі адносна любой дзяржавы контрпрадукцыйныя і не садзейнічаюць дасягненню мэт, якія ў іх закладваюцца. Аднабаковыя санкцыі супярэчаць міжнародна-прававым нормам і прынцыпам, у тым ліку замацаваным у Статуце ААН і Хельсінкскім заключным акце АБСЕ.

"Мы неаднаразова заяўлялі, што рашэнні Еўрапейскага саюза аб увядзенні абмежавальных мер адносна Беларусі непрымальныя і ў корані памылковыя. Нельга з партнёрам і суседам гаварыць мовай санкцый і ўльтыматумаў. Такія меры, хутчэй, падрываюць давер да Еўрасаюза, чым наносяць рэальны ўрон нашай краіне або неяк уплываюць на сітуацыю", - адзначыў Дзмітрый Мірончык.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс